Թուրքիայի իշխող կուսակցությունը կադրային պակասը կարող է լրացնել ազգայնական կուսակցությունից

Քաղաքական18:12, 21 Հունվար 2020

Թուրքիայի իշխող կուսակցությունը կադրային պակասը կարող է լրացնել ազգայնական կուսակցությունից

Թուրքիայում իշխող «Արդարություն և զարգացում» (AKP-ԱԶԿ) կուսակցությունը նահանգային կառույցներում վերջերս կադրերի պակաս է ունենում, որը պատրաստվում է լրացնել իր խորհրդարանական դաշնակից «Ազգայնական շարժում» (MHP-ԱՇԿ) կուսակցության կադրերով:

Կադրերի պակասը պայմանավորված է այն բանով, որ իշխող կուսակցության կադրերից են նշանակվում «հոգաբարձուներ» կամ պետական կառավարիչներ:

Պետական կառավարիչները պետության կողմից նշանակվում են այն ընտրովի ՏԻՄ պաշտոնյաների փոխարեն, որոնց պաշտոնանկ են արվում իրենց վրա հարուցված տարբեր քր. գործերի հետևանքով:

Վերջին ՏԻՄ ընտրություններից հետո քրդամետ «Ժողովուրդների դեմոկրատական» կուսակցությունից ընտրված մեծ թվով քաղաքապետեր, համայնքապետեր ու ավագանու անդամներ պաշտոնանկ են արվել «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպության հետ ունեցած կապերի մեղադրանքով:

Նշվում է, որ Չանաքքալե նահանգում արդեն մեկ ամիս է չի ստացվում լրացնել պետական պաշտոնյաների պահանջվող քանակը, ինչի արդյունքում ԱԶԿ-ի կենտրոնական խորհուրդը դիմել է ԱՇԿ-ին՝ նահանգում որոշ ՏԻՄ պաշտոներում նշանակելու համար կադրեր տրամադրելու խնդրանքով: Նշվում է, որ ԱՇԿ-ն չի մերժել ԱԶԿ-ի առաջարկը:

Աղբյուր` Demokrathaber

Այս ենթաբաժնի վերջին նորությունները

14:39, 27 հուն

Թուրքիայի առևտրի նախարարը հանդիպել է ՌԴ փոխվարչապետի հետ

Կողմերը քննարկել են առևտրաշրջանառության ծավալը հասցնել 100 մլրդ դոլարի և մտքեր են փոխանակել առաջիկա ժամանակահատվածում իրականացվելիք նախագծերի վերաբերյալ։