Հասարակական12:10, 16 Հունվար 2020
Հրանտ Դինքի մահվան 13-րդ տարելիցը կոգեկոչվի Թուրքիայի և աշխարհի մի շարք քաղաքներում
Պոլսահայ անվանի մտավորական, հրապարակախոս, Ստամբուլում լույս տեսնող հայկական «Ակոս» թերթի հիմնադիր-խմբագրապետ Հրանտ Դինքի մահվան 13-րդ տարելիցի առթիվ Թուրքիայի և աշխարհի մի շարք քաղաքներում հիշատակի միջոցառումներ կանցկացվեն։
Դինքի սպանության օրը՝ հունվարի 19-ին, հիշատակի միջոցառում կանցկացվի հենց դեպքի վայրում՝ «Ակոս» թերթի նախկին խմբագրատան շենքի դիմաց։ Նույն օրը հոգեհանգստի և ոգեկոչման արարողություններ կկազմակերպվեն նաև Բալըքլըի հայկական գերեզմանատանը և Բաքըրքյոյի հայկական Սուրբ Աստվածածին եկեղեցում։
Հունվարի 19-ին Ստամբուլի տարբեր վայրերում, այդ թվում՝ «Արաս» հրատարակչության «Եսայան» սրահում, կկազմակերպվեն նաև Հրանտի հիշատակին նվիրված հանդիպում-քննարկումներ, իսկ «Ոմանք» հայկական երաժշտական խումբը Բեյօղլուում հանդես կգա Հրանտի հիշատակին նվիրված համերգով։
Հիշատակի և ոգեկոչման արարողություններ կկազմակերպվեն նաև մայրաքաղաք Անկարայում, Իզմիրում, Բոդրումում։ Թուրքիայից բացի հունվարի 18-ին և 19-ին Հայաստանից և Թուրքիայից ժամանած հյուրերի մասնակցությամբ հիշատակի միջոցառումներ կկազմակերպվեն նաև Անգլիայում (Լոնդոնի Սուրբ Եղիշե հայկական եկեղեցի), ԱՄՆ-ում (Հարվարդ, Լոս Անջելես), Գերմանիայում (Բեռլին, Ուլմ, Աուգսբուրգ), Կանադայում (Օտտավա, Մոնռեալ), Նիդերլանդներում (Ամստերդամ) և Ավստրայում (Վիեննայի Սուրբ Հռիփսիմե հայական եկեղեցի)։
Հիշեցնենք, որ Հրանտ Դինքը սպանվել էր 2007թ․ հունվարի 19-ին՝ «Ակոս» թերթի խմբագրատան մուտքի մոտ։ Սպանությունից անցել է արդեն ուղիղ 13 տարի, բայց դեպքի առթիվ հարուցված դատական գործը դեռ չի ավարտվել։ Դինքի սպանության հրահրման և կազմակերպման մեջ մեղադրվում են մի շարք նախկին բարձրաստիճան պաշտոնյաներ։
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |