Քաղաքական18:09, 13 Հունվար 2020
Փայլան.«Չնայած դատարանի որոշմանը՝ Թուրքիայում շարունակվում է պահպանվել ատելության մթնոլորտը»
![Փայլան.«Չնայած դատարանի որոշմանը՝ Թուրքիայում շարունակվում է պահպանվել ատելության մթնոլորտը»](https://www.ermenihaber.am/news_images/58/173607_2/ads_z_tasar_m_1.jpg)
Թուրքիայի խորհրդարանի հայ պատգամավոր Կարո Փայլանն անդրադարձել է Թուրքիայի զինված ուժերում պարտադիր ժամկետային զինծառայության ժամանակ սպանված հայ քաղաքացի Սևակ Բալըքչըի գործով դատարանի կայացրած նոր որոշմանը:
Նշենք, որ Բալըքչըն սպանվել էր 2011թ. ապրիլի 24-ին` Հայոց ցեղասպանության 96-րդ տարելիցին Թուրքիայի Բաթման նահանգի Քոզլուք շրջանում թուրք զինվոր Քըվանչ Աղաօղլուի արձակած գնդակից:
Փայլանը նշել է, որ չնայած թուրքական դատարանի կայացրած որոշմանը, այնուամենայնիվ, երկրում դեռևս շարունակվում է պահպանվել ատելության մթնոլորտը:
«Սևակ Բալըքչըն սպանվել 9 տարի առաջ ապրիլի 24-ին, որը Հայոց ցեղասպանության զոհերի հիշատակի օրն է: Այդ օրը նրա սպանությունը մեծացրել էր ատելության հողի վրա կատարված հանցագործության կասկածները: Վերջապես 9 տարի անց դատարանի կողմից հաստատվեց, որ Սևակը սպանվել է դիտավորությամբ և ամբաստանյալը դատապարտվեց 16 տարի 8 ամիս ազատազրկման»,-ասել է մեջլիսի հայ պատգամավորը:
Նրա խոսքով` վերջապես Թուրքիայում իրենք ականատես եղան, որ դատարանը հայերի դեմ ատելության հողի վրա հանցագործություն կատարած անձին պատժում է ազատազրկմամբ:
Փայլանը նկատել է, որ Թուրքիայում նրանք դեռևս չեն ապահովել այնպիսի միջավայր, շնորհիվ որի տեղի չունենան ատելության հողի վրա կատարվող նոր հանցագործություններ:
«Ուստի անհրաժեշտ է, որ Թուրքիայի օրակարգում ատելության հողի վրա կատարված հանցագործությունները վերացնելու համար քաղաքական նախաձեռնություններ կյանքի կոչվեն: Պետք է ստեղծենք այնպիսի մթնոլորտ, որ ոչ մեկն այդ հանցագործությունների թիրախում չհայտնվի»,-ընդգծել է նա:
Պատգամավորը հույս է հայտնել, որ դատարանի վերոնշյալ որոշումը նախադեպ կդառնա մյուս հանցագործությունների վերաբերյալ դատական գործերում:
«13 տարի է, ինչ շարունակվում է Հրանտ Դինքի դատական գործը: Այս շաբաթ շարունակելու ենք Հրանտ Դինքի համար պայքարը»,-ասել է Կարո Փայլանը:
Հիշեցնենք, որ Սևակ Բալըքչըի դատական գործը բողոքարկվել և կրկին քննության էր դրվել 2018թ.: Նոր դատավճռի արդյունքում մեղադրյալ Աղաօղլուին կալանավորել են հենց դատական նիստի ժամանակ:
Այս ենթաբաժնի վերջին նորությունները
![Անկարայում Գերմանիայի դեսպանատան դպրոցն այլևս Թուրքիայի քաղաքացիներ չի ընդունի](https://www.ermenihaber.am/news_images/94/281079_1/image_2024_07_26_165611851.thumb.png)
«Ernest-Reuter» դպրոցական համայնքի հայտարարության համաձայն՝ արգելքը չի տարածվում այժմ կրթությունը շարունակող Թուրքիայի քաղաքացիների ու երկքաղաքացիություն ունեցողների վրա:
![SANA. «Մոսկվայում Ասադ-Էրդողան հնարավոր հանդիպում չի քննարկվել»](https://www.ermenihaber.am/news_images/94/281070_1/010.thumb.jpg)
Ըստ Սիրիայի պետական լրատվական գործակալության՝ Թուրքիայի հետ կապված Ասադի դիրքորոշումները Պուտինին ավելի վաղ ներկայացրել է Ալեքսանդր Լավրենտևը:
![Օզել. «Էրդողանի հրամանով ֆինանսական հեղափոխության փորձ է իրականացվում»](https://www.ermenihaber.am/news_images/94/281061_1/3215.thumb.jpg)
Թուրքիայում գլխավոր ընդդիմադիր ուժը համարվող կուսակցության առաջնորդն անդրադարձել է իշխող կուսակցության ղեկավարության ներքո գտնվող ՏԻՄ-երի պարտքերին:
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քաշքշուքի ընթացքում իշխող ԱԶԿ-ական պատգամավոր Քարաիսմայիլօղլուն բռունցքով հարվածել է Մերսինի ընդդիմադիր պատգամավոր Ալի Բոզանին:
Ամերիկյան «Global Firepower» հետազոտական կենտրոնը հրապարակել է 2024-ին աշխարհի մակարդակով ամենաուժեղ ռազմաօդային ուժեր ունեցող երկրների ցանկը:
Հունաստանի առողջապահության նախարար. «Մեր գնած F-35 կործանիչներով կարող ենք մի գիշեր հանկարծակի լինել Թուրքիայում»։
Թուրքիայի արտգործնախարարն ԱՄԷ-ում հեռարձակվող «Sky News Arabia» հեռուստաալիքին տված հարցազրույցում անդրադարձել է պաղեստինյան զարգացումներին:
Թուրքիայի կառավարությանն առընթեր գործող «Աղետների և արտակարգ իրավիճակների վարչությունը» (AFAD) հայտարարել է, որ այդ կայանը Թուրքիայի արտերկրում առաջին երկրաշարժերի մոնիտորինգի կայանն է։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |