Թուրքիայի բնակչության 58%-ը դեմ է Լիբիա զորք ուղարկելուն

Ռազմական11:14, 10 Հունվար 2020

Թուրքիայի բնակչության 58%-ը դեմ է Լիբիա զորք ուղարկելուն

Թուրքիայի 12 քաղաքներում անցկացված սոցհարցումների արդյունքներից պարզ է դարձել, որ երկրի բնակչության 58%-ը դեմ է Լիբիա թուրքական զորախումբ ուղարկելուն:

«Ստամբուլի տնտեսական հետազոտությունների» կազմակերպության անցկացրած հարցմանը մասնակցել է 1537 քաղաքացի: Մասնակիցներին տրվել է «Ձեր կարծիքով Լիբիա զորք ուղարկելը ճի՞շտ է» հարցը: Դրական է պատասխանել հարցվածների 34%-ը, բացասական՝ 58%-ը, իսկ 8%-ն էլ դժվարացել է պատասխանել:

Անդրսահմանային հակամարտությունների նկատմամբ Թուրքիայի դիրքորոշման վերաբերյալ հարցին պատասխանելիս մասնակիցների 75%-ն ասել է, որ Թուրքիան պետք է չեզոքություն պահպանի ու միայն միջնորդական առաքելություն իրականացնի: 15%-ը ճիշտ է համարել հակամարտության մեջ ներգրավվելու և կողմերից մեկնումեկին ռազմաքաղաքական օգնություն ցուցաբերելու Թուրքիայի քաղաքականությունը:

Հիշեցնենք, որ երկիշխանություն հաստատված Լիբիայի դեպքում Թուրքիան օգնում է Լիբիայի ազգային համաձայնության կառավարությանը՝ ընդդեմ Լիբիայի ազգային բանակի:

Նախօրեին էլ Թուրքիայի նախագահ Ռեջեփ Թայիփ Էրդողանը հայտարարել էր, որ առաջին փուլով Լիբիա են ուղարկվել 35 թուրք զինվորականներ, որոնք պետք է ուսուցանեն ազգային համաձայնության կառավարության զինված ստորաբաժանումներին ու համակարգեն նրանց գործողությունները:

Աղբյուր` Diken

Այս ենթաբաժնի վերջին նորությունները

17:46, 13 օգոս

Թուրքական «ASELSAN» ընկերությունը 54 մլն դոլարի պայմանագիր է կնքել

Թուրքիայի ռազմարդյունաբերական առաջատար ընկերությունը Մերձավոր Արևելքի և աֆրիկյան տարածաշրջանի հաճախորդների հետ արտահանման պայմանագիր է ստորագրել:

12:38, 12 օգոս

Թուրքիան մեծացրել է KMC-U տակտիկական հրթիռային համակարգի կարողությունները

Հունական մամուլը գրում է, դա Թուրքիային ընձեռում է ռազմավարական կարևորության նոր հնարավորություն:

14:59, 11 օգոս

Թուրքիան ռազմական ինքնաթիռների նավատորմ ունեցող երկրների թվում 9-րդն է

Ըստ ամերկյան «Global Firepower» ընկերության՝ երկրների ռազմական ինքնաթիռների նավատորմի հզորությունը ցույց է տալիս նրա զսպող ազդեցությունը արտաքին աշխարհի դեմ։