Հասարակական11:00, 18 Դեկտեմբեր 2019
Գենդերային հավասարության ցուցանիշով 153 երկրների ցանկում Թուրքիան 130-րդն է
Համաշխարհային տնտեսական ֆորումը (WEF) հրապարակել է գենդերային հավասարության ամենամյա զեկույցը։
WEF-ի կազմած ցանկի առաջնային տեղերում հայտնվել են Իսլանդիան, Նորվեգիան, Ֆինլանդիան և Շվեդիան։ Վերջին հորիզոնականներում հանգրվանել են գտել Սիրիան, Իրաքը, Պակիստանը և Եմենը։ Թուրքիան 153 երկրներ ընդգրկող հիշյալ ցանկում զբաղեցրել է 130-րդ տեղը:
Նշենք, որ Հայաստանը գենդերային հավասարության վարկանիշային աղյուսակում զբաղեցրել է 98-րդ տեղը, Վրաստանը՝ 74-րդ, իսկ Ադրբեջանը՝ 94-րդ։
Ուսումնասիրության համար հիմք են ծառայում կանանց մասնակցությունը տնտեսության մեջ, հնարավորությունների հավասարությունը, կրթության հնարավորությունները, առողջապահությունը և ներգրավվածությունը քաղաքականության մեջ։
Արձանագրվել է, որ գենդերային հավասարությունն ավելի ամուր դիրքեր ունի Արևմտյան Եվրոպայում, իսկ ամենից թույլ արտահայտված է Միջին Արևելքում և հյուսիսաֆրիկյան տարածաշրջանում։
Ուշագրավ է, որ ըստ զեկույցի հեղինակների՝ առնվազն 100 տարի է պետք, որպեսզի կանայք աշխարհում տղամարդկանց հավասար իրավունքներ ձեռք բերեն, իսկ որպեսզի կանայք տղամարդկանց չափ աշխատավարձ ստանան, անհրաժեշտ կլինի պայքարել ևս 257 տարի։
Այս ենթաբաժնի վերջին նորությունները
Կրոնափոխ լինելու նրանց որոշման վրա ազդել է իրենց դուստրը, ով բնակություն է հաստատել Թուրքիայում։
ՄԱԿ-ը հրապարակել է 2024-ի աշխարհի ամենաշատ բնակչություն ունեցող երկրների ցանկը։
«Թուրքիայի զբաղվածության գործակալությունը» հրապարակել է քաղաքացիների զբաղվածության տվյալները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ շարունակում են աջակցել Հարավային Կովկասում կայուն խաղաղություն հաստատելու ջանքերին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |