Էրդողանի ապագա մրցակիցն ընդգրկվել է «Bloomberg»-ի 50 ամենահաջողակ անձանց ցուցակում

Հասարակական17:19, 11 Դեկտեմբեր 2019

Էրդողանի ապագա մրցակիցն ընդգրկվել է «Bloomberg»-ի 50 ամենահաջողակ անձանց ցուցակում

Ամերիկյան «Bloomberg» գործակալության Ստամբուլի ընդդիմադիր քաղաքապետ Էքրեմ Իմամօղլուին ընդգրկել է 2019-ի աշխարհի ամենահաջողակ մարդկանց ցուցակում:

Նշվում է, որ «Bloomberg 50» ցուցակը կազմվել է գործակալության՝ աշխարհի մի շարք երկրներում աշխատող թղթակիցների ու խմբագիրների քվեարկության արդյունքների հիման վրա:

«Bloomberg»-ը Իմամօղլուի մասին գրել է, որ վերջինս հունիսի 23-ին Ստամբուլի ընտրությունների ժամանակ հաղթել է Ստամբուլի քաղաքապետի ընտրություններում՝ ի հեճուկս իր թեկնածուին քաղաքապետ դարձնելու Էրդողանի ու նրա թիմակիցների ջանքերի:

Գործակալությունը գրել է, որ Իմամօղլուն մարտահրավեր է նետում Թուրքիայի նախագահ Ռեջեփ Թայիփ Էրդողանին և 2023 թվականին սպասվող նախագահական ընտրություններում լինելու նրա գլխավոր մրցակիցը:

2019-ին գրանցած հաջողությունների համար ցուցակում ընդգրկվել են այնպիսի անհատներ, ինչպիսիք են աշխարհահռչակ երգչուհի Ռիհաննան, instagram-ի ֆենոմեն Քայլի Ջենները, համաշխարհային ճանաչում ձեռք բերած շվեդ էկոակտիվիստ 16-ամյա Գրետա Թունբերգը, Նոր Զելանդիայի վարչաապետ Ջասինդա Արդերնը:

Աղբյուր` Diken

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։