Տնտեսական15:10, 10 Դեկտեմբեր 2019
Թուրքիան նվազագույն աշխատավարձի ցուցանիշով Եվրոպայում 4 ամենավատ երկրներից մեկն է
Թուրքիայում ակտիվորեն քննարկվում է 2020թ. համար նվազագույն աշխատավարձի սահմանաչափը: Թուրքական «Sözcü» թերթի կայքը որոշ վիճակագրական տվյալներ է հրապարակել նվազագույն աշխատավարձի մասին, ինչպես նաև համեմատական անցկացրել եվրոպական երկրների հետ:
Թուրքիայում գրանցված աշխատողների 42.2 տոկոսը ստանում է նվազագույն կամ դրանից էլ ցածր աշխատավարձ, ինչը կյանքի որակի տեսանկյունից ավելի է մեծացնում նվազագույն աշխատավարձի նշանակությունը: Թուրքիայում մոտ 10 մլն աշխատող ամսական վաստակում է նվազագույն աշխատավարձին շատ մոտ գումար:
Եվրոպական երկրների շարքում նվազագույն աշխատավարձի տեսանկյունից Թուրքիան 4-րդ ամենավատ երկիրն է: Այս ցուցանիշով Թուրքիան առաջ է անցել միայն Սերբիայից, Բուլղարիայից ու Ալբանիայից:
Ըստ ԵՄ-ի վիճակագրական ծառայության (Eurostat)՝ ԵՄ-ի երկրների շարքում ամենաբարձր նվազագույն աշխատավարձը ստանում են Լյուքսեմբուրգում (2071 եվրո), որին հաջորդում են Իռլանդիան (1656 եվրո), Հոլանդիան (1636) և Գերմանիան (1557): Հնգյակը եզրափակում է Անգլիան՝ 1525 եվրոյով:
Աղբյուրն ուշադրություն է հրավիրել նաև մեկ այլ ուշագրավ տվյալի վրա՝ 2009-ին Թուրքիայից ցածր նվազագույն աշխատավարձ տվող 11 եվրոպական երկիր կար, իսկ 2019-ին այդ երկրների թիվը նվազել է՝ հասնելով 3-ի:
2009-ին Թուրքիայում նվազագույն աշխատավարձը եղել է 321 եվրո, իսկ 2019-ին հասել է 422 եվրոյի՝ տարեկան արձանագրելով միջինացված 2.8 տոկոսանոց աճ: Այս ցուցանիշով էլ առաջատարը 12 տոկոսանոց տարեկան աճով Ռումինիան է, որը մեկն է այն երկրներից, որտեղ 2009-ին Թուրքիայից ավելի քիչ նվազագույն աշխատավարձ էին (143 եվրո) ստանում, իսկ 2019-ին՝ ավելի շատ (446 եվրո):
Այս ենթաբաժնի վերջին նորությունները
Իրանի քաղաքացիներն ավելացրել են իրենց ճանապարհորդությունները դեպի Թուրքիա և Ստամբուլ դեռևս հունվարին։
Վերլուծաբանները նշում են, որ Թուրքիան կախված է ՌԴ-ից բնական գազի, նավթի, ածխի և նավթաքիմիական այլ ապրանքների ձեռք բերման հարցում և լավ գաղափար չէ նույնը անել նաև միջուկային էներգիայի համար։
Դա կլինի «պատմական օր» թուրք-հունգարական էներգետիկ համագործակցության մեջ, քանի որ սկսվելու է բնական գազի փոխադրումը Թուրքիայից Հունգարիա։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Զինամթերքի մատակարարման մասին պայմանագիրն ամերիկյան կողմի հետ ստորագրել է թուրքական «Arca Savunma» ընկերությունը։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |