11:20, 05 Դեկտեմբեր 2019
Դիարբեքիրում տեղի կունենա քրդական կուսակցությունների հավաք
Թուրքիայի քրդամետ «Ժողովուրդների դեմոկրատական» (ԺԴԿ-HDP) կուսակցության ներկայացուցիչ Իմամ Թաշչըյերը բոլոր քրդական կուսակցությունների և կառույցների ներկայացուչներին կոչ է արել հանդիպել Թուրքիայի քրդաբնակ Դիարբեքիր քաղաքում։
Ըստ տեղեկությունների՝ այդ հանդիպմանը, որը կայանալու է դեկտեմբերի 5-ին, պետք է մասնակցեն Թուրքիայի քրդերի խոշորագույն պլատֆորմ հանդիսացող «Դեմոկրատական հասարակության կոնգրես»-ի, քրդական «Ժողովրդավարական տարածաշրջանային» (DBP) կուսակցության, «Դեմոկրատական կուսակցության» (T-KDP) և մի շարք քրդական այլ կառույցների ու կուսակցությունների ներկայացուցիչներ։
Հանդիպման գլխավոր նպատակը քրդական բոլոր կառույցների և կուսակցությունների միջև համագործակցությունը խորացնելն է՝ ի պաշտպանություն քուրդ ժողովրդի իրավունքների։
HDP-ի ներկայացուցիչը բոլոր կուսակցություններին կոչ է արել առանց որևէ նախապայմանների մասնակցել այդ հանդիպմանը։ Նաև ընդգծել է, որ հանդիպումը միտված է վերացնել բոլոր հակասությունները, որոնք առկա են քրդական կուսակցությունների և կառույցների միջև։ Ըստ նրա՝ քուրդ ժողովրդի իրավունքները պաշտպանելու համար հարկավոր է նախ ապահովել միասնություն կուսակցությունների միջև։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Ընդդիմադիր կուսակցապետը իշխող «Արդարություն և զարգացում կուսակցությանը» անվանել է «համակարգված չարիքի կազմակերպություն»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |