Տարածաշրջան15:57, 05 Դեկտեմբեր 2019
Պուտին.«Բուլղարիան դիտավորյալ կերպով դանդաղեցնում է «Թուրքական հոսք» գազատարի անցկացումը»
Ռուսաստանի նախագահ Վլադիմիր Պուտինը մեղադրել է Բուլղարիային «Թուրքական հոսք» գազատարի երկրորդ հատվածի անցկացումը դիտավորյալ կերպով դանդաղեցնելու համար և հայտարարել, որ անհրաժեշտության դեպքում կարող են մեկ ուրիշ այլընտրանք գտնել:
Պուտինը բրիտանական «Reuters» լրատվական գործակալությանը տված հարցազրույցում նշել է, որ որպես այլընտրանքային երկիր Ռուսաստանը մտածում է ընտրել Ուկրաինային և հավելել.
«Մենք պատրաստ ենք գազի արտահանումն իրականացնել Ուկրաինայի տարածքով: Գաղտնիք չէ, որ այս հարցի շուրջ Վիեննայում շարունակվում են բանակցությունները: Սակայն մինչ այժմ Ուկրաինայի կողմից մեզ առաջակված պայմաններն անընդունելի են»:
Հիշեցնենք, որ ռուսական բնական գազը Եվրոպա հասցնելու համար «Թուրքական հոսք» գազատարի երկրորդ հատվածը որոշվել էր Հունաստանի փոխարեն անցկացնել Բուլղարիայի տարածքով:
Նշենք, որ «Թուրքական հոսք» նախագիծն առաջ էր քաշվել Ռուսաստանի նախագահ Վլադիմիր Պուտինի կողմից՝ դադարեցված «Հարավային հոսք» նախագծի փոխարեն:
Նախատեսվում է, որ «Թուրքական հոսք»-ի խողովակաշարի ընդհանուր երկարությունը պիտի լինի 910կմ, որի 660կմ հատվածը պետք է անցնի Ռուսաստանով, իսկ 250 կմ մասը` Թուրքիայով: Ըստ ծրագրի՝ այդ գազատարով պետք է 15.8 մլն խմ բնական գազ Թուրքիայի տարածքով արտահանել եվրոպական երկրներ: Սակայն 2015թ. սեպտեմբերի նախագծի շուրջ բանակցությունները սառացվել էին: Դրանք վերսկսվեցին 2016-ի օգոստոսի 10-ին Թուրքիայի նախագահ Ռեջեփ Թայիփ Էրդողանի և Պուտինի հանդիպումից հետո:
Այժմ նախատեսվում է, որ «Թուրքական հոսքը» տարեկան կմատակարարի 31.5 մլրդ խմ բնական գազ։ Երկու գազատարից բաղկացած «Թուրքական հոսքի» երկրորդ խողովակաշարով ռուսական գազը կհասնի Եվրոպա։
Այս ենթաբաժնի վերջին նորությունները
Բացի Թուրքիայից զորավարժությանը մասնակցում են Պակիստանը, Կատարը, Ղազախստանը և Ուզբեկստանը։
Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անիի կամուրջը, կառուցվել է 10-11-րդ դարերում հայոց արքայատոհմ Բագրատունիների կողմից։
Բացի Թուրքիայից զորավարժությանը մասնակցում են Պակիստանը, Կատարը, Ղազախստանը և Ուզբեկստանը։
Էրդողանը 2020-ին Թուրքիայի խորհրդարանի ամբիոնից Երուսաղեմը ներկայացրել էր որպես «մեր քաղաք»՝ նշելով դրա օսմանյան ժառանգության մասին։
Հաշվի են առնվել երկրների ռազմական կարողությունները, տեխնոլոգիական ենթակառուցվածքները և այլն։
Իրավաբանները նշում են, որ սահմանափակումն իրականացնելու իրավական հիմքը հանդիսանում է Թուրքիայի 5651 օրենքի 8/A հոդվածը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |