Հասարակական12:04, 05 Դեկտեմբեր 2019
Պոլսահայ երիտասարդների «Նոր զարթոնք» նախաձեռնությունը բոյկոտում է պատրիարքական ընտրությունները
Ստամբուլահայերի «Նոր զարթոնք» նախաձեռնությունը Պոլսի հայոց պատրիարքի թեկնածուներին կոչ է արել դուրս գալ ընտրապայքարից, իսկ ժողովրդին հորդորել է բոյկոտել պատրիարքական ընտրությունները: Նախաձեռնությունն իր այս կոչը հիմնավորել է ընտրական գործընթացին Թուրքիայի ներքին գործերի նախարարության միջամտությամբ, ինչը հակասում է այդ երկրի սահմանադրությանն ու միջազգային պայմանագրերին:
«Նոր զարթոնք» -ի տարածած հայտարարության մեջ նշվում է, որ 2007թ. 84-րդ պատրիարք Մեսրոպ Մութաֆյանի պարտականությունների կատարումը անհնար դարձրած ծանր հիվանդությամբ սկսված ու մինչև նրա մահ տևած ժամանակահատվածը շատ դժվար է եղել պոլսահայության համար:
Հայտարարության մեջ հիշեցվել է, որ դրանից հետո ընտրական գործընթացը իրականացնելու համար ձևավորվել է Նախաձեռնակ մարմին, իսկ Եպիսկոպոս Սահակ Մաշալյանն ընտրվել է պատրիարքական տեղապահ:
«Սակայն ներքին գործերի նախարարության կողմից պատրիարքական ընտրություններն անցկացնելու համար ուղարկված կանոնադրությամբ արտասահմանում ծառայող պոլսահայ եկեղեցականների մասնակցության վրա դրված արգելքը դժգոհություն է առաջացրել ժողովրդի լայն զանգվածների մոտ:
Այս պայմաններում արդար ընտրություններ անցկացնելու անհնարինության մասին խոսել է նույնիսկ անձամբ տեղապահը: Սակայն նույնիսկ հայ ժողովրդի տարբեր շերտերից ստացվող դժգոհությունների ու սահմանադրական դատարանի կողմից կայացրած վճիռների (պատրիարքական ընտրություններին պետության անհիմն միջամտություններն արձանագրած որոշում-խմբ.) պայմաններում տեղապահ Մաշալյանը, Նախաձեռնակ մարմինն ու հիմնադրամների ղեկավարները չկարողացան հստակ ու պատվաբեր դիրքորոշում ունենալ և (ճիշտ) կատարել իրենց պարտականությունները: Տեղապահն ու Նախաձեռնակ մարմինը, անտարբեր մնալով պետության կողմից արած անօրինական միջամտությանը, որոշեցին չբողոքարկել կանոնադրությունը»,- ասված է «Նոր զարթոնք»-ի հայտարարության մեջ:
Նախաձեռնությունը նշում է, որ վերոնշյալ անարդարության ու անօրինականության մասին չկարողանալով լռել՝ անցած 1 ամսվա ընթացքում Նախաձեռնարկ մարմնի 18 անդամներից 8-ը հրաժարական է տվել:
Ըստ «Նոր զարթոնք»-ի՝ բյուրոկրատների ու քաղաքական գործիչների առաջ քաշած այն թեզը, ըստ որի կանոնադրությունը բողոքարկելու դեպքում պետությունը համայնքին այլևս թույլ չի պատրիարքի ընտրություն անել, Հայոց պատրիարքարանի պատմության մեջ առաջին անգամ բացել է պետական կառավարիչ (հոգաբարձու) նշանակելու ճանապարհը:
Նախաձեռնությունը նշել է, որ մերժում է պետության՝ կրոնական ազատություններն ու համայնքային կյանքի կազմակերպումը սահմանափակող միջամտությունը՝ 2 թեկնածուներին (Արամ Աթեշյան ու Սահակ Մաշալյան) հորդորելով չդառնալ այդ խաղի գործիք ու դուրս գալ ընտրական գործընթացից:
Հայտարարության վերջում ժողովրդին ուղղված կոչում էլ մասնավորապես ասվում է. «Գիտենք, որ իրականացվելիք ընտրության ժամանակ տրված ամեն մի ձայնը ծառայելու է այս անարդարության ու իրավունքի խլման լեգիտիմացմանը: Եվս մեկ անգամ մեր ժողովրդին կոչ ենք անում բոյկոտել և չմասնակցել ընտրություններին»:
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |