Մշակութային15:38, 04 Դեկտեմբեր 2019
Թուրք լրագրող. «Աշխարհում չկա որևէ երկիր և ժողովուրդ, որ իրար այսքան մոտ և իրարից այսքան հեռու լինեն»
Թուրքական «Sakarya Yeni Haber» թերթի լրագրող Շերիֆ Սարըն այցելել է Հայաստան և տպավարությունների մասին հոդված գրել իր սյունակում:
«Իմ դիտարկումները հայերի երկրի` Հայաստանի մասին» հոդվածի առաջին մասում հեղինակը շեշտում է, որ աշխարհում չկա որևէ երկիր և ժողովուրդ, որ իրար այդքան մոտ և միաժամանակ իրարից այդքան հեռու լինեն:
«Վրաստանից Հայաստան մուտք գործելու համար անցնում ենք Գոգավան-Գուգիտի սահմանային անցակետը: Իրականում մտածում էի, որ ստուգումների ընթացքում ինչ-որ խնդիր կծագի, քանի որ Վրաստանում մեր ուղեկցորդն ասել էր, որ Հայաստան մուտք գործելու ժամանակ հնարավոր է խնդիր ունենանք, ինչն էլ պատճառ էր դարձել, որ ես բացասական նախապաշարմունքով տրամադրվեի: Սակայն անցակետում ամեն ինչ արտակարգ հարթ ընթացավ: Մաքսակետի աշխատակիցների վերաբերմունքը բավականին դրական էր»,- պատմում է Շերիֆ Սարըն:
Այնուհետև նշում է, որ Հայաստան մուտք գործելիս երկժամյա ճամփորդությունից հետո իրենք դադար են առել և հայտնվել «1960-ականների միջավայրում», որն էլ զարմացրել է իրենց և հետաքրքիր երկիր այցելելու զգացողություն հաղորդել:
Պատմում է, որ երբ շարունակում են ճանապարահը, ճամփեզրին մի տուրիստական գործակալություն են նկատում, մտնում են ներս և այնտեղ իրենց դիմավորում է «ժպտերես երկու երիտասարդ»:
«Գրասենյակի աշխատակիցները, իմանալով, որ Թուրքիայից ենք, մեզ էլ ավելի ջերմ են վերաբերվում: Փորձում ենք միմյանց անգլերենը, թուրքերենը և հայերենը հասկանալ: Մոտակա շրջանի վերաբերյալ տեղեկություն ենք ստանում և շարունակում մեր ճանապարհը»,-գրում է թուրք լրագրողը:
Հոդվածում անդրադարձ է կատարվում նաև Սևանա լճին:
«Արժե տեսնել Սևանա լիճն ու Սևանավանքը»:
Հայաստանի տեսարժան վայրերից թուրք լրագրողն առաջինն այցելել է Սևան: Նա իր հոդվածում նկարագրել է Սևանա լիճն ու Սևանավանքը՝ ընդգծելով, որ լիճն ամենամեծն է Կովկասում:
«Երևում է, որ պատմական Սևանավանքի նկատմամբ աշխարհի տարբեր կողմերից եկած զբոոսաշրջիկների հետաքրքրությունը բավականին մեծ է, ինչպես և մերը: Զգացվում է, որ այս տարածքը Հայաստանի համար պատմական և զբոսաշրջային արժեքները միավորող առանձնահատուկ շրջան է»,-գրում է հոդվածի հեղինակը:
Ավարտելով հոդվածի առաջին մասը՝ թուրք լրագրողը նշում է, որ հաջորդ մասում անդրադառնալու է երևանյան տպավորություններին:
Այս ենթաբաժնի վերջին նորությունները
Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։
Մզկիթում այրվող գիրքն ու գորգը նկատել է մի կին և սկսել բղավել։
Անատոլիայի հայ համայնքների վերակացու և Հաթայի եկեղեցու հոգևորական Հայր Ավետիս Թաբաշյանը Վարդավառի տոնի (Քրիստոսի Պայծառակերպության տոն) առթիվ այցելել է Մալաթիա:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Ընդդիմադիր կուսակցապետը իշխող «Արդարություն և զարգացում կուսակցությանը» անվանել է «համակարգված չարիքի կազմակերպություն»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |