Մշակութային15:38, 04 Դեկտեմբեր 2019
Թուրք լրագրող. «Աշխարհում չկա որևէ երկիր և ժողովուրդ, որ իրար այսքան մոտ և իրարից այսքան հեռու լինեն»
Թուրքական «Sakarya Yeni Haber» թերթի լրագրող Շերիֆ Սարըն այցելել է Հայաստան և տպավարությունների մասին հոդված գրել իր սյունակում:
«Իմ դիտարկումները հայերի երկրի` Հայաստանի մասին» հոդվածի առաջին մասում հեղինակը շեշտում է, որ աշխարհում չկա որևէ երկիր և ժողովուրդ, որ իրար այդքան մոտ և միաժամանակ իրարից այդքան հեռու լինեն:
«Վրաստանից Հայաստան մուտք գործելու համար անցնում ենք Գոգավան-Գուգիտի սահմանային անցակետը: Իրականում մտածում էի, որ ստուգումների ընթացքում ինչ-որ խնդիր կծագի, քանի որ Վրաստանում մեր ուղեկցորդն ասել էր, որ Հայաստան մուտք գործելու ժամանակ հնարավոր է խնդիր ունենանք, ինչն էլ պատճառ էր դարձել, որ ես բացասական նախապաշարմունքով տրամադրվեի: Սակայն անցակետում ամեն ինչ արտակարգ հարթ ընթացավ: Մաքսակետի աշխատակիցների վերաբերմունքը բավականին դրական էր»,- պատմում է Շերիֆ Սարըն:
Այնուհետև նշում է, որ Հայաստան մուտք գործելիս երկժամյա ճամփորդությունից հետո իրենք դադար են առել և հայտնվել «1960-ականների միջավայրում», որն էլ զարմացրել է իրենց և հետաքրքիր երկիր այցելելու զգացողություն հաղորդել:
Պատմում է, որ երբ շարունակում են ճանապարահը, ճամփեզրին մի տուրիստական գործակալություն են նկատում, մտնում են ներս և այնտեղ իրենց դիմավորում է «ժպտերես երկու երիտասարդ»:
«Գրասենյակի աշխատակիցները, իմանալով, որ Թուրքիայից ենք, մեզ էլ ավելի ջերմ են վերաբերվում: Փորձում ենք միմյանց անգլերենը, թուրքերենը և հայերենը հասկանալ: Մոտակա շրջանի վերաբերյալ տեղեկություն ենք ստանում և շարունակում մեր ճանապարհը»,-գրում է թուրք լրագրողը:
Հոդվածում անդրադարձ է կատարվում նաև Սևանա լճին:
«Արժե տեսնել Սևանա լիճն ու Սևանավանքը»:
Հայաստանի տեսարժան վայրերից թուրք լրագրողն առաջինն այցելել է Սևան: Նա իր հոդվածում նկարագրել է Սևանա լիճն ու Սևանավանքը՝ ընդգծելով, որ լիճն ամենամեծն է Կովկասում:
«Երևում է, որ պատմական Սևանավանքի նկատմամբ աշխարհի տարբեր կողմերից եկած զբոոսաշրջիկների հետաքրքրությունը բավականին մեծ է, ինչպես և մերը: Զգացվում է, որ այս տարածքը Հայաստանի համար պատմական և զբոսաշրջային արժեքները միավորող առանձնահատուկ շրջան է»,-գրում է հոդվածի հեղինակը:
Ավարտելով հոդվածի առաջին մասը՝ թուրք լրագրողը նշում է, որ հաջորդ մասում անդրադառնալու է երևանյան տպավորություններին:
Այս ենթաբաժնի վերջին նորությունները
Հայտնի է, որ մինչև Հայոց ցեղասպանություն՝ 20-րդ դարասկզբին համալիրում 200-300 կույսեր են բնակվել։
«Մուսա լեռ» անունը կրող թանգարանը գտնվում է Թուրքիայի միակ հայկական գյուղում` Վաքըֆլըում:
Իսկ 2019թ․ փետրվարին նույն եկեղեցու պատերի վրա ներկանյութերով ատելություն քարոզող գրառումներ էին արվել:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
«Մուսա լեռ» անունը կրող թանգարանը գտնվում է Թուրքիայի միակ հայկական գյուղում` Վաքըֆլըում:
Ըստ Թուրքիայի նախագահի՝ Այա Սոֆիայում կլինեն ղուրանյան ընթերցումներ և այն որպես մզկիթ իր դռները կբացի զբոսաշրջիկների առաջ։
Հայտնի է, որ մինչև Հայոց ցեղասպանություն՝ 20-րդ դարասկզբին համալիրում 200-300 կույսեր են բնակվել։
Նշվում է, որ թուրքական հատուկ ջոկատայինները, Մերիչ գետում պարեկային ծառայությունն իրականացնելիս, սահմանի թուրքական կողմում մի ծառի տակ ներգաղթյալի դի են հայտնաբերել։
Պայմանագրի առանցքային գաղափարն էր նաև ռազմական փոխհամագործակցությունը, որն ուղղված էր հիմնական Հայաստանի և հայ ժողովրդի դեմ։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |