Տնտեսական14:20, 03 Դեկտեմբեր 2019
Թուրքիայի 16 ջերմաէլեկտրակայանների գործունեությունը կարող է դադարեցվել
Թուրքիայում շրջակա միջավայրի աղտոտման պատճառով կարող է կասեցվել 16 ջերմաէլեկտրակայանների գործունեությունը։ Խոսքը մասնավորապես Չանաքքալեում, Շըրնաքում, Քահրամանմարաշում (2), Քարաբյուքում, Քյութահյայում (2), Մանիսայում (2), Սիվասում, Զոնգուլդաքում, Անկարայում, Մուղլայում (3) և Բուրսայում գործող էլեկտրակայանների մասին է։
Նշված ջերմաէլեկտրակայանները պարտավոր են հատուկ ֆիլտրեր կիրառել՝ իրենց գործունեության արդյունքում օդի աղտոտումը նվազեցնելու նպատակով։ Բայց 2013թ․-ից մինչ օրս նշված պարտավորության կատարումը մի քանի անգամ հետաձգվել է։ Նոյեմբերի 21-ին Թուրքիայի խորհրդարանում ձայների ճնշող մեծամասնությամբ հաստատված նոր օրենքի համաձայն՝ նախատեսվում էր ֆիլտրերի ներդրման պարտականությունը հետաձգել ևս 2․5 տարով։
Սակայն Թուրքիայի նախագահ Ռեջեփ Թայիփ Էրդողանը նշված օրենքի նկատմամբ վետո է կիրառել՝ այդպեսով, փաստորեն, ֆիլտր չօգտագործող ջերմաէլեկտրակայաններին զրկելով իրենց գործունեությունը շարունակելու հնարավորությունից։ Էրդողանն իր այդ քայլը հիմնավորել է այն հանգամանքով, որ չի պատրաստվում հանուն այդ ընկերությունների շահի թույլ տալ նրանց ավելի շատ աղտոտել բնությունն ու վտանգել մարդկանց առողջությունը։
Նշենք, որ «Greenpease Akdeniz» ընկերության կողմից Քյութահյայում գործող երկու ջերմաէկելտրակայաններում անցկացված մի հետազոտության համաձայն՝ դրանց գործունեության հետևանքով արտանետվող վնասակար նյութերի քանակը երեք անգամ գերազանցում է Առողջապահության համաշխարհային կազմակերպության սահմանած նորմը։ Հաշվի առնելով այդ արդյունքները՝ ընկերությունը կոչ է արել դադարեցնել պահանջվող չափանիշներին չհամապատասխանող ջերմաէլեկտրակայանների գործունեությունը։
Այս ենթաբաժնի վերջին նորությունները
Թուրքիան 2019-ին առողջարանային զբոսաշրջությունից ստացել է 1.49 մլրդ դոլար, իսկ 2023-ին՝ 2.3 մլրդ դոլար։
Պայմանագրերը վերաբերում են պաշտպանական արդյունաբերության, ԶԼՄ-ների և հաղորդակցության, կրթության,զբոսաշրջության, սպորտի, էներգետիկայի,անվտանգության առողջապահության և այլ ոլորտներին։
Թաթարստանում գործում են թուրքական բազմաթիվ գործարաններ։ Թուրք ներդրողները նախագծեր են իրականացնում նաև հյուրանոցային բիզնեսի և շինարարության ոլորտում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց Ցեղասպանության մասին։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |