Իրավական10:18, 29 Նոյեմբեր 2019
Էրդողանը նորից դատի է տվել ընդդիմադիր կուսակցապետին
Թուրքիայի նախագահ Ռաջեփ Թայիփ Էրդողանը կրկին դատական հայց է ներկայացրել ընդդիմադիր «Ժողովրդահանրապետական» կուսակցության (ԺՀԿ-CHP) նախագահ Քեմալ Քըլըչդարօղլուի դեմ։ Այս անգամ ընդդիմադիր գործչին մեղադրանք է առաջադրվել այն բանի համար, որ խորհրդարանի հանրապետության նախագահին «հայրենիքի դավաճան» է անվանել։ Էրդողանն Անկարայի դատարանից պահանջել է Քըլըչդարօղլուից գանձել 250․000 թուրքական լիրայի (շուրջ 4․300 ԱՄՆ դոլար)՝ որպես բարոյական վնասի հատուցում:
Նշենք, որ ընդդիմադիր կուսակցապետը նոյեմբերի 26-ի իր ելույթում ասել էր․ «Սեփական զենքի գործարանը օտար բանակին նվիրաբերողներին աշխարհի բոլոր ծայրերում հայրենիքի դավաճան են անվանում։ Ես էլ եմ նույնն ասում։ Նա նույնիսկ չի համարձակվում դատական հայց ներկայացնել ․․․ Էրդողանը հայտարարել է, թե՝ «Քըլըչդարօղլուի դեմ փոխհատուցման հայցեր եմ ներկայացրել ու բոլոր դատական գործերը շահել եմ»։ Իսկ Մեն կղզու գործն էլ ես եմ շահել, դրան ի՞նչ կասես։ Ուրեմն՝ ճիշտ է այն, որ դու փողեր ես տարել»։
Քեմալ Քըլըչդարօղլուն այն եզակի անձանցից է, ում դեմ «Թուրքիայի հանրապետության նախագահին վիրավորելու» և նմանատիպ մեղադրանքներով ամենամեծ թվով դատական գործեր են հարուցվել։ Մասնավորապես Մեն կղզու վերաբերյալ Քըլըչդարօղլուի հայտարարությունների պատճառով վերջինիս դեմ տարբեր դատարաններում մի քանի գործեր էին հարուցվել և խոշոր տուգանքներ սահմանվել, բայց Ստամբուլի վերաքննիչ դատարանը ընդամենը օրեր առաջ՝ նոյեմբերի 8-ին չեղարկեց այս մեղադրանքով հարուցված գործերի շրջանակներում նշանակված տուգանքները։
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հոդվածում նշվում է, որ Թուրքիան և Ադրբեջանը ցամաքով իրար կապող միջանցքի թեման կրկին օրակարգում է։
Թուրքիայի նախագահը նշել է, որ Անկարան պատրաստ է ցուցաբերել ցանկացած աջակցություն, այդ թվում՝ միջնորդություն։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
Կողմերը քննարկել են Իսրայել-Իրան առճակատումը և շարունակվող լարվածության հնարավոր գլոբալ ու տարածաշրջանային հետևանքները։
Իրանի և Իսրայելի ֆոնդային բորսաներում ևս զգալի անկում է նկատվում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |