Քաղաքական12:37, 21 Նոյեմբեր 2019
Միջադեպ Թուրքիայի խորհրդարանում
Թուրքիայի խորհրդարանում նոյեմբերի 20-ին տեղի է ունեցել ներքին գործերի նախարարության 2020թ. բյուջեի նախագծի քննարկումը: Նախքան նախագծի քննարկումը, միջադեպ է տեղի ունեցել Թուրքիայի ներքին գործերի նախարար Սուլեյման Սոյլուի և ընդդիմադիր պատգամավորների միջև:
Սուլեյման Սոյլուն, երբ մտել է դահլիճ, սեղմել է իշխող «Արդարություն և զարգացում» կուսակցության (AKP-ԱԶԿ) պատգամավորների ձեռքը՝ անտեսելով ընդդիմադիր պատգամավորներին:
Թուրքիայի խորհրդարանի քրդամետ «Ժողովուրդների դեմոկրատական» կուսակցության (HDP-ԺԴԿ) հայ պատգամավոր Կարո Փայլանը թեմայի առնչությամբ ասել է, որ ներքին գործերի նախարարի այդ պահվածքն անհարգալից վերաբերմունք է պատգամավորների նկատմամբ:
Մեջլիսի պետական ծրագրերի և բյուջեի հանձնաժողովի նախագահ Լյութֆի Էլվանը Սոյլուի այդ քայլը կապել է այն բանի հետ, որ երբ վերջինս ներս է մտել ընդդիմադիր պատգամավորները ոտքի չեն կանգնել:
Կարո Փայլանը բյուջեի քննարկումների ժամանակ ունեցած իր ելույթում Սոյլուին նմանեցրել է նացիստական Գերմանիայի գաղտնի ոստիկանության ղեկավարներից Հիմմլերի հետ:
«Ոչ ոք հիմա լավ առումով չի հիշում Հիմմլերի կերպարը: Սույլեյման Սոյլուն կարծում է, թե ինքը բռնապետական ռեժիմ է հիմնելու և լռեցնելու է բոլորին: Դրանից հետո ասելու է. «Բոլորն ինձ լավ առումով են հիշելու»: Ոչ իհարկե: Ոչ ոք քո կերպարը լավ առումով չի հիշելու»,-շեշտել է Փայլանը:
Ընդդիմադիր, իսլամական ուղղվածության «Երջանկություն» (Saadet) կուսակցության պատգամավոր Ջիհանգիր Իսլամը Սոյլուին ասել է, որ Թուրքիայում այն մարդկանց, որոնց լռեցնել չեն կարողանում, բանտարկում են և «դավաճան» անվանում: Ի պատասխան Իսլամին` Սոյլուն նրան «դավաճան» է անվանել և ասել, որ բոլորը գիտեն, որ ինքը սադրիչ է:
Վիճաբանությանը միջամտել են նաև աջակողմյան «Ազգայնական շարժում» կուսակցության, AKP-ի և ընդդիմադիր քրդամետ ուժ համարվող «Ժողովուրդների դեմոկրատական» կուսակցության (HDP-ԺԴԿ) պատգամավորները:
Այս ենթաբաժնի վերջին նորությունները
Ավելի վաղ Իրաքի ԱԳՆ էր կանչվել Բաղդադում Թուրքիայի դեսպանը, որին բողոքի նոտա է հանձնվել Թուրքիայի կողմից Իրաքի տարածքում «Վագրի ճիրան» ռազմական գործողությունը սկսելու կապակցությամբ։
Ֆրանսիայի ԱԳՆ մամուլի խոսնակը հայտնել է, որ նախօրեին հանդիպում է կայացել Փարիզում Թուրքիայի արտակարգ և լիազոր դեսպան Իսմայիլ Հաքքը Մուսայի հետ։
«Եթե ժողովրդի պահանջը դրա չեղարկումն է, ուրեմն պիտի համապատասխան որոշում ընդունվի»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրք նախարարը անդրադարձել է Միջերկրական ծովում թուրքական և ֆրանսիական նավերի միջև տեղի ունեցած միջադեպին։
Սբ․ Սոֆիայի տաճարի կարգավիճակի հարցը քննարկելու համար Թուրքիայի Պետխորհրդի 10-րդ պալատը նիստ է նշանակել այսօր՝ հուլիսի 2-ին։
«Եթե ժողովրդի պահանջը դրա չեղարկումն է, ուրեմն պիտի համապատասխան որոշում ընդունվի»։
Oրեր առաջ էլ Ֆրանսիայի նախագահ Էմանուել Մակրոնը հայտարարել էր, որ Թուրքիայի միջամտությունը Լիբիական հակամարտությանը հանցագործություն է։
Սոցցանցերը Թուրքիայի իրավապահ մարմինների ու դատական համակարգի կողմից ուղարկվող հարցումներին պատասխանելու համար ստիպված կլինեն երկրում ունենալ առնվազն մեկ մշտական ներկայացուցիչ։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |