Քաղաքական10:48, 21 Նոյեմբեր 2019
Հույն նախարար.«Թուրքիան ԵՄ-ից պահանջած գումարը չի կարող ստանալ սպառնալիքների և շանտաժի միջոցով»
Հունաստանի միգրացիոն քաղաքականության հարցերով նախարար Յորգոս Կումուչակոսն անդրադարձել է սիրիացի փախստականների հարցին, ինչպես նաև Թուրքիայի նախագահ Ռեջեփ Թայիփ Էրդողանի և մյուս պաշտոնյաների սպառնալից հայտարարություններին:
Agence France-Presse (AFP)-ին տված հարցազրույցում հույն նախարարը նշել է, որ եթե Թուրքիան ցանկանում է աջակցություն ստանալ ԵՄ-ից, ուրեմն պետք է դադարեցնի շանտաժը:
«Թուրքիան անընդհատ ասում է «կբացենք դարպասները» և այդ փախստականներին, որոնք սպասում են դարպասների բացմանը, ավել շատ հավաքում դարպասների մոտ: Մայիսից ի վեր Հունաստանի ափեր հասած փախստականների թիվը 240%-ով աճել է»,-ասել է Կումուչակոսը: Վերջինս նաև նկատել է տվել, որ Հունաստանը ցանկացել է, որ ԵՄ-ն դրական արձագանքի Թուրքիայի կողմից ներկայացված 6մլրդ եվրո ֆինանսական աջակցության պահանջին:
«Թուրքիան շանտաժներով և սպառնալիքներով է պահանջում այդ գումարը, բայց եվրոպացիների համար անհրաժեշտ դրական մթնոլորտը չի ձևավորում, որպեսզի որոշվի հատկացնել այդ գումարը: Եվրոպան չի կարող գործել սպառնալիքներով և շանտաժներով»:
Կումուչակոսի խոսքով` Անկարան պետք է հասկանա, որ այդ ձևով չի կարող համագործակցել Եվրոպայի հետ:
Ավելի վաղ Հունաստանի վարչապետ Կիրիակոս Միցոտակիսն անդրադարձել էր Թուրքիայի նախագահի` «կբացենք դարպասները» սպառնալից հայտարարությանը. «Ես նախագահ Էրդողանին հստակ ասել եմ, որ եթե ցանկանում է Հունաստանի հետ բարիդրացիական հարաբերություններ ունենալ, ապա չպետք է փախստականներին այդ ձևով օգտագործի»:
Հիշեցնենք, որ ԵՄ-ն դատապարտել էր Սիրիայի հյուսիս-արևելքում Թուրքիայի` «խաղաղության ակունք» ռազմագործողությունը, ինչին ի պատասխան` Էրդողանը ասել էր.
«Հե'յ, Եվրամիություն, ուշքի եկեք: Եթե դուք մեր ռազմագործողությունը որպես ներխուժում եք փորձում որակել, ապա մեր գործը հեշտ է՝ կբացենք դարպասները և 3.6 մլն փախստականններին (Թուրքիայում ապաստանած) կուղարկենք ձեզ մոտ»,-նշել է նա:
Այս ենթաբաժնի վերջին նորությունները
Թուրքիայի գանձապետարանի և ֆինանսենրի նախարարը խոսել է տնտեսական բարեփոխումների շրջանակներում գնաճը հաղթահարելու նպատակով ձեռնարկվելիք անհրաժեշտ քայլերի մասին:
Ազատ գրաֆիկով և հեռավար տարբերակով աշխատող մարդկանց համար նախատեսված «Digital nomads» վիզան կտրամադրվի 3-ից 5 տարով:
Հայտարարության մեջ նշվում է, որ լարվածությունը, որը սկսվել է Դամասկոսում Իրանի դեսպանատան վրա Իսրայելի հարձակմամբ հակասում է միջազգային իրավունքին․
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Թուրքիայի արտգործնախարարությունն արձագանքել է Բրյուսելում կայացած ԵՄ գագաթնաժողովի արդյունքներն ամփոփող տեղեկագրի՝ Թուրքիային վերաբերող հատվածին։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |