Իրավական16:14, 20 Նոյեմբեր 2019
Թուրքիայում 7 ամսում պաշտոնանկ են արել քրդամետ կուսակցության անդամ 24 վարչական շրջանի ղեկավարի
Թուրքիայի ընդդիմադիր, քրդամետ ուժ համարվող «Ժողովուրդների դեմոկրատական» կուսակցությունը (ԺԴԿ-HDP) զեկույց է հրապարակել «Թուրքիայում հոգաբարձուների ռեժիմը, ընտրելու և ընտրվելու իրավունքի բռնազավթումը» թեմայով:
Զեկույցում ներկայացվում է Թուրքիայում մարտի 31-ի տեղական ինքնակառավարման մարմինների ընտրություններից հետո ընտրված HDP-ական թեկնածուների փոխարեն իշխանությունների կողմից ժամանակավոր պաշտոնակատարների նշանակման մասին:
Ըստ զեկույցի` թուրքական իշխանութունները ՏԻՄ ընտրություններից մինչև օրս Թուրքիայի 4 քաղաքների և վարչական միավորների 20 ղեկավարների պաշտոնանկ են արել և նշանակել ժամանակավոր պաշտոնակատարներ է նշանակել: Նշվում է, որ այդ ընթացքում ձերբակալվել են HDP-ական 13 քաղաքապետ:
Զեկույցում ասվում է, որ HDP-ին պատկանող 6 քաղաքապետարան են վերցրել, պաշտոնից հեռացրել են ավագանու 37 անդամի և ձերբակալել են ավագանու 44 անդամի:
Հիշեցնենք, որ մարտի 31-ին Թուրքիայում կայացած ՏԻՄ ընտրություններում վերոհիշյալ քրդամետ կուսակցությունը հաղթել էր 65 վարչական շրջաններում և ստացել ավագանում 1331 տեղ:
Զեկույցում անդրադարձ է կատարվել նաև մարտի 31-ից առաջ Թուրքիայում իշխանությունների կողմից HDP-ական քաղաքապետների փոխարեն հոգաբարձուների նշանակմանը և կուսակցության ներկայացուցիչների ձերբակալություններին:
Միջանկյալ նշենք, որ առաջին անգամ Թուրքիայում ժամանակավոր պաշտոնակատարների նշանակման ինստիտուտը ձևավորվել է 2016թ. սեպտեմբերի 11-ին:
Ըստ այդմ` մինչև 2019 մարտի 31-ը HDP-ական 102 վարչական միավորներից 95-ում պետությունը հոգաբարձու է նշանակել: Ձերբակալվել է 93 վարչական շրջանի ղեկավար, որից 15-ը դատապարտվել է ազատազրկման:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հոդվածում նշվում է, որ Թուրքիան և Ադրբեջանը ցամաքով իրար կապող միջանցքի թեման կրկին օրակարգում է։
Թուրքիայի նախագահը նշել է, որ Անկարան պատրաստ է ցուցաբերել ցանկացած աջակցություն, այդ թվում՝ միջնորդություն։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
Կողմերը քննարկել են Իսրայել-Իրան առճակատումը և շարունակվող լարվածության հնարավոր գլոբալ ու տարածաշրջանային հետևանքները։
Իրանի և Իսրայելի ֆոնդային բորսաներում ևս զգալի անկում է նկատվում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |