Հասարակական15:17, 19 Նոյեմբեր 2019
Թուրքիայի բնակչության էթնիկ և կրոնական կազմի մասին զեկույց է հրապարակվել
Թուրքիայում գործող «KONDA» հետազոտական ընկերությունը երկրի բնակչության էթնիկ և կրոնական կազմի վերաբերյալ զեկույց է հրապարակել։ Հետազոտությունն արվել է 36 նահանգների 391 շրջաններում: Ամփոփվել են 5․739 բնակչի հետ անցկացված սոցհարցումների արդյունքները։ Ըստ այդմ՝ հարցվածների 76 տոկոսը ներկայացել է որպես թուրք։
Հարցման մասնակիցների 16 տոկոսը «Ձեզ ո՞ր ազգի ներկայացուցիչ եք զգում» հարցին պատասխանել է՝ «քուրդ եմ»։ Հաշվի առնելով, որ 2018թ․ Թուրքիայի բնակչության ընդհանուր թիվը կազմում էր 82 միլիոն, իրենց քուրդ համարողների թիվը երկրում, փաստորեն, ավելի քան 13 միլիոն է։ Նույն հաշվարկների համաձայն՝ իրենց թուրք համարողների թիվը գերազանցում է 62 միլիոնը։
Հարցվածների 3 տոկոսը ներկայացել է որպես արաբ, (ինչը համապատասխանում է բնակչության շուրջ 2․5 միլիոնին), 2 տոկոսը (1․5 միլիոն)՝ զազա։ Եվս 3 տոկոսը ներկայացել է որպես այլ՝ տարբեր ազգերի ներկայացուցիչ։ Դա կարող է համապատասխանել Թուրքիայի բնակչության շուրջ 2․5 միլիոնանոց հատվածին։
Կրոնական պատկանելիության վերաբերյալ տրված հարցին պատասխանած տղամարդկանց 71, իսկ կանանց 74 տոկոսը պատասխանել է, որ իրեն համարում է սուննի իսլամի հանաֆիական ուղղության ներկայացուցիչ։
Միջին հաշվարկներով Թուրքիայի 82 միլիոն բնակչությունից 60 միլիոնը վերոհիշյալ դավանանքի հետևորդներն են։ Իսկ հարցվածների 13 տոկոսը ներկայացել է որպես սուննի իսլամի շաֆիական ուղղության հետևորդ։ Նմանատիպ հաշվարկների համաձայն՝ այս դավանանքի ներկայացուցիչների թիվը Թուրքիայում կազմում է շուրջ 11 միլիոն։
Իրեն ալևի է համարել հարցման մասնակիցների 5 տոկոսը, ինչը համապատասխանում է 4 մլն բնակչությանը։ Եվս 4 տոկոսը իրեն համարել է իսլամի այլ ուղղությունների հետևորդ։ Եվ միայն 1 տոկոսից պակաս մասնակիցներն են ներկայացել որպես ոչ մուսուլման։
Այս ենթաբաժնի վերջին նորությունները
Այնթափի հայկական Սուրբ Աստվածածին եկեղեցին Հայոց ցեղասպանությունից հետո օգտագործվել է որպես բանտ, ապա 1980թ․՝ վերածվել մզկիթի։
1 օրում կատարված 46․492 թեստի արդյունքում հաստատվել է կորոնավարակի 1.008 նոր դեպք։
Նոբելյան մրցանակակիր Օրհան Փամուքն անդրադարձել է Սուրբ Սոֆիայի տաճարը մզկիթի վերածելու որոշմանը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի արտգործնախարարը նշել է, որ Թուրքիան իրենից կախված ամեն աջակցություն կցուցաբերի Ադրբեջանի տարածքային ամբողջականությունը պահպանելու համար։
«Թուրքիան շարունակելու է իր բոլոր հնարավորություններով լինել Ադրբեջանի կողքին»։
Նոբելյան մրցանակակիր Օրհան Փամուքն անդրադարձել է Սուրբ Սոֆիայի տաճարը մզկիթի վերածելու որոշմանը։
Այնթափի հայկական Սուրբ Աստվածածին եկեղեցին Հայոց ցեղասպանությունից հետո օգտագործվել է որպես բանտ, ապա 1980թ․՝ վերածվել մզկիթի։
Պատմական այս կառույցի վերաբերյալ Չորումի բնակչության մեծ մասը տեղեկություն չունի, միայն մեծահասակներից քչերն են, որ վկայում են հայկական եկեղեցու գոյության մասին։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |