Իսրայելի պետական լեզվի այբուբենը Թուրքիայում ներկայացվել է որպես թյուրքական լեզվի՝ ույղուրերենի այբուբեն

Գիտակրթական13:38, 15 Նոյեմբեր 2019

Իսրայելի պետական լեզվի այբուբենը Թուրքիայում ներկայացվել է որպես թյուրքական լեզվի՝ ույղուրերենի այբուբեն

Թուրքիայի կրթության նախարարության կողմից հանրակրթական դպրոցներին բաժանված 6-րդ դասարանի աշակերտներին ուսուցանվող «Հասարակագիտություն» առարկայի դասագրքերում սխալ է հայտնաբերվել:

Այդ սխալմունքը թուրքական մի շարք լրատվամիջոցներ անվանել են սկանդալային

Պարզվել է, որ հիշյալ դասագրքում եբրայերեն այբուբենը հրամցվել է որպես ույղուրական այբուբեն, մինչդեռ Սեմական լեզվախմբից սերող եբրայերենը Իսրայելի պետական լեզուն է, իսկ ույղուրերենը՝ Թյուրքական լեզվախմբի լեզուներից մեկը:

Թուրքիայի գրողների միության նախագահ Մեհմեթ Դողանը սոցցանցում արած գրառմամբ իր դժգոհությունն է հայտնել այդ կապակցությամբ:

«Կրթության նախարարության պաշտոնական դասագրքերն անորակ են, թուրքերենը՝ լի սխալներով: 1 մլն 340.000 տպաքանակով հրատարակված դասագրքերում ույղուրերեն այբուբենի փոխարեն եբրայերեն է ներկայացվել»:

Թեմային անդրադարձել է պրոֆեսոր, պատմաբան Ահմեթ Շիմշիրգիլը: Նրա խոսքով` նման խայտառակության համար պետք է կազմալուծվի Թուրքիայի կրթության և դաստիարակչական խորհուրդը:

Մեկ այլ պատմաբան Մուստաֆա Արմաղանն էլ նշել է, որ պետք է անմիջապես հավաքվեն շուրջ հասարակագիտության դասագրքերը և համապատասխան միջոցներ ձեռնարկվեն:

Աղբյուր` turkiyegazetesi.com.tr

Այս ենթաբաժնի վերջին նորությունները

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։