ԻՊ-ի անդամ ԱՄՆ քաղաքացին մնացել է Հունաստանի ու Թուրքիայի չեզոք գոտում

Տարածաշրջան10:54, 12 Նոյեմբեր 2019

ԻՊ-ի անդամ ԱՄՆ քաղաքացին մնացել է Հունաստանի ու Թուրքիայի չեզոք գոտում

Թուրքիան Հունաստան է արտաքսել «Իսլամական պետություն» (ԻՊ) ահաբեկչական կազմակերպության անդամներից մեկին, ով ԱՄՆ-ի քաղաքացի է։

Սակայն հույն սահմանապահները թույլ չեն տվել, որ նա հատի սահմանը և ահաբեկչին հետ են ուղարկել։ Իսկ թուրքական կողմն էլ հրաժարվել է հետ ընդունել ԻՊ-ի անդամին։ Դրա հետևանքով ահաբեկիչը մնացել է Թուրքիայի և Հունաստանի միջև առկա գոտում։

Նշյալ անձը, ում անունը չի հրապարակվում, կալանավորվել էր Թուրքիայի կողմից Սիրիայի տարածքում իրականացրած «խաղաղության ակունք» ռազմական գործողության ընթացքում։ Դրանից հետո ահաբեկիչը տեղափոխվել է Թուրքիայի Էդիրնե քաղաք։

Աղբյուրը նշում է, որ առաջիկայում Թուրքիան կրկին ԻՊ-ի մի շարք անդամների արտաքսելու է։ Այդ անձինք օտարերկրացիներ են, նրանց մեջ կան Ֆրանսիայի, Իռլադիայի, Գերմանիայի քաղաքացիներ։ Արդեն հայտնի է, որ այս պահին Թուրքիան իր երկրից արտաքսել է 1 դանիացու և 1 ամերիկացու։

Ավելի վաղ Թուրքիայի ներքին գործերի նախարար Սուլեյման Սոյլուն հայտարարել էր, որ Թուրքիան չի կարող որպես ճամբար ծառայել ԻՊ-ի ահաբեկիչների համար։

Աղբյուր` Euronews

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: