Միջազգային10:39, 11 Նոյեմբեր 2019
ԱՄՆ-ն պատրաստ է նոր պատժամիջոցներ կիրառել Թուրքիայի դեմ
ԱՄՆ նախագահի ազգային անվտանգության գծով խորհրդական Ռոբերտ Օ’բրայանը հայտարարել է, որ ԱՄՆ-ն պատրաստ է պատժամիջոցներ կիրառել Թուրքիայի դեմ, եթե վերջինս չհրաժարվի ռուսական S-400 ՀՕՊ համակարգերից։ Այս մասին Թրամփի խորհրդականը խոսել է ամերիկյան «CBS» հեռուստաընկերության ուղիղ եթերում։ Նաև հավելել է, որ անձամբ նախագահ Դոնալդ Թրամփն է պատրաստվում զգուշացնել Թուրքիայի նախագահ Ռեջեփ Թայիփ Էրդողանին, ով նոյեմբերի 13-ին լինելու է Վաշինգտոնում։
«Եթե Թուրքիան չազատվի S-400-ներից, ապա ամենայն հավանականությամբ CAATSA օրենքին (Պատժամիջոցների միջոցով Ամերիկայի հակառակորդներին հակազդելու մասին օրենք-խմբ․) համապատասխան պատժամիջոցների կիրառման հարցը կբերվի Կոնգրեսի օրակարգ և ձայների ճնշող մեծամասնությամբ կհաստատվի։
Այդ ժամանակ Թուրքիան կզգա պատժամիջոցների հետևանքները։ Այս ամենի մասին մենք բացահայտ ասել էինք նախագահ Էրդողանին։ ՆԱՏՕ-ում տեղ չկա S-400 համակարգերի և այլ ռուսական զենքերի համար», - ասել է Օ’բրայանը։
Հիշեցնենք, որ Ռուսաստանն ու Թուրքիան S-400 ՀՕՊ համակարգերի առուվաճառքի պայմանագիր էին ստորագրել դեռ 2017թ․ սեպտեմբերին։ Դրանց առաջին խմբաքանակի մատակարարումը տեղի ունեցավ 2019թ․ հուլիսին։ Թե պայմանագրի կնքումից առաջ, և թե հետո՝ մինչ օրս, ԱՄՆ պահանջում է Թուրքիայից՝ հրաժարել ռուսական զենքի գնումից ու շահագործումից, Թուրքիան համառորեն հրաժարվում է հաշվի նստել ԱՄՆ-ի կարծիքի հետ։ S-400–ների խնդիրը թուրք–ամերիկյան հարաբերություններում պարբերաբար սրվող լարվածության պատճառ է դարձել։
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ազատ գրաֆիկով և հեռավար տարբերակով աշխատող մարդկանց համար նախատեսված «Digital nomads» վիզան կտրամադրվի 3-ից 5 տարով:
Հայտարարության մեջ նշվում է, որ լարվածությունը, որը սկսվել է Դամասկոսում Իրանի դեսպանատան վրա Իսրայելի հարձակմամբ հակասում է միջազգային իրավունքին․
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |