Հասարակական15:57, 08 Նոյեմբեր 2019
Թուրքիայում փողոց դուրս գալու արգելքներն ու դրանց կործանիչ հետևանքները
Թուրքիայում 2015-2016թթ․ քրդաբնակ շրջաններում հայտարարված պարեկային ժամ (փողոց դուրս գալու արգելքների) և դրանց հետևանքների վիճակագրությունը ներկայացնող մի զեկույց է հրապարակվել։ «Կործանված քաղաքներ» խորագրով ներկայացված զեկույցի համաձայն՝ նշված ժամանակահատվածում այդ արգելքի պատճառով շուրջ 400․000 մարդ հարկադաբար տեղահանվել է, ունեզրկվել, աղքատացել։
Խոսքը մասնավորապես Շըրնաք նահանգի Ջիզրե, Սիլոփի և Իդիլ շրջանների, Մարդինի Նուսայբին շրջանի, Հաքքարի նահանգի Յուքսեքօվա շրջանի և Դիարբեքիրի Սուր շրջանի մասին է։ Պարետային ժամերի և բախումների հետևանքով ամենից շատ տուժել են երեխաները, կանայք և ծերերը։
Մասնավորապես 2016-ին Ջիզրեյում հայտարարված 72 օր տևողությամբ պարետային ժամի ընթացքում շրջանից տեղահանվել է 110․000 մարդ, Ջիզրեյի բնակչության թիվը նվազել է մինչև 20․000։ Շուրջ 300 մարդ զոհվել է։
Շըրնաքի Իդիլ շրջանում 43 օր տևած պարետային ժամը հետևանքով բնակչության 80 տկոսը արտագաղթել է Իդիլից։ Իսկ Սիլոփիում արգելքը տևել է 37 օր, որի ընթացքում 29 մարդ մահացել է, 11․000-ը՝ գաղթել, 351 շենք քանդվել է։
Շըրնաք քաղաքի կենտրոնում նույնպես 391 օր պարետային ժամը է գործել։ Քաղաքի 7 թաղամասեր գրեթե հողին են հավասարվել, 64․000 մարդ լքել է իր բնակավայրը։
Հաքքարի նահանգի Յուքսեքօվա շրջանում արգելքը տևել է 79 օր։ Այդ ընթացքում մահացել է 96 մարդ, բնակչության 35 տոկոսը անտուն է մնացել։ Այստեղ տեղի ունեցած բախումների պատճառով շուրջ 5-6․000 շենք է վնասվել, քանդվել կամ այրվել։
Մարդին նահանգի Նուսայբին շրջանում 2016թ․ մարտի 14-ին հայտարարված պարետային ժամը որոշ դադարներով շարունակվել է մինչև 2018թ․ ապրիլի 21-ը։ Նուսայբինի 16 թաղամասերում բախումների հետևանքով ավելի քան 5․000 շենք է ավերվել, շուրջ 45․000 մարդ լքել է շրջանը։
Իսկ Դիարբեքիրի Սուր շրջանում արգելքը գործել է 103 օր։ Վերջին՝ հինգերորդ անգամ հայտարարված պարետային ժամը Սուրում այսօր էլ դեռ գործում է։
Այս ենթաբաժնի վերջին նորությունները
Երկրորդ տեղում Իրանի քաղաքացիներն են, որոնք գնել են 182 տեսակի անշարժ գույք։
1961-ից 2021-ն ընկած ժամանակահատվածում ամենաշատ աճը ծնելիության մակարդակում գրանցվել է Սաուդիան Արաբիայում. այն կազմել է 7.63 գործակից:
«Տեղեկատվության անվտանգության մասնագետի» համար պահանջվող սերտիֆիկատը կարող են ձեռք բերել միայն «Սպիտակ հաքեր» անունով հայտնի մասնագետները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Թուրքիայի արտգործնախարարությունն արձագանքել է Բրյուսելում կայացած ԵՄ գագաթնաժողովի արդյունքներն ամփոփող տեղեկագրի՝ Թուրքիային վերաբերող հատվածին։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |