Թուրքիայում 5 մլն 74.908 օտարերկրացի է գտնվում

Իրավական11:01, 08 Նոյեմբեր 2019

Թուրքիայում 5 մլն 74.908 օտարերկրացի է գտնվում

Թուրքիայի ներքին գործերի նախարար Սյուլեյման Սոյլուն մեջլիսում Թուրքիայում միգրացիայի կառավարման թեմայով ունեցած ելույթի ժամանակ վիճակագրական տվյալներ է հրապարակել:

Սոյլուի տվյալներով` Թուրքիայում ընդհանուր առմամբ 5 մլն 74.908 օտարերկրյա քաղաքացի է գտնվում:

Նախարարը նշել է, որ 2019թ. երկրում 373.468 ապօրինի ներգաղթյալ են ձերբակալել, իսկ վերջին 3 տարում ընդհանուր 171.967 օտարերկրյա քաղաքացու են արտաքսել իրենց երկրներ:

Սոյլուն, անդրադառնալով Թուրքիայում սիրիացի փախստակաների թեմային, հայտնել է, որ նրանց թիվը այժմ կազմում է 3մլն 680.603, որից 62.673-ը ժամանակավոր պաշտպանության տակ են գտնվում ճամբարներում, իսկ ճամբարներից դուրս նրանց թիվը հասնում է 3մլն 617.930-ի: Նա նաև հավելել է, որ սիրիացիներից միայն 1 մլն 70.144-ը ունի ժամանակավոր կացության իրավունք:

Նախարարի հաղորդմամբ` միգրացիայի միջազգային պաշտպանության կազմակերպության խնամքի տակ գտնվող օտարերկրյա քաղաքացիների թիվը կազմում է 324.161 և ևս 43.670-ը 2019թ. դիմել է այդ կազմակերպությանը:

Աղբյուր` amerikaninsesi.com

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։