Թուրքիայում դարձյալ լրագրողներ են ազատազրկվել

Իրավական16:35, 06 Նոյեմբեր 2019

Թուրքիայում դարձյալ լրագրողներ են ազատազրկվել

Թուրքիայում հերթական անգամ լրագրողներ են ազատազրկման դատապարտվել։

Բիթլիսի ծանր հանցագործությունների դատարանը լրագրող Ուղուր Յըլմազին դատապարտել է 6 տարի 10 ամիս 15 օրվա ազատազրկման՝ «զինված ահաբեկչական խմբավորմանն անդամակցելու» (Թուրքիայում ահաբեկչական հայտարարված «Քուրդիստանի բանվորական կուսակցություն»-ՔԲԿ/PKK ռազմաքաղաքական կազմակերպություն) և «զինված խմբավորման պրոպագանդա կատարելու» մեղադրանքով։ Վերջինս 2017թ․ հուլիսի 17-ից կալանավորված է և գտնվում է Էլազըղի բանտում։ Դատավարության ողջ ընթացքում նա ոչ մի անգամ անձամբ դատարան չի բերվել, այլ ցուցմունք է տվել հեռահաղորդակցման միջոցների օգնությամբ։

Իսկ Ստամբուլի ծանր հանցագործությունների դատարանը «ահաբեկչական խմբավորման պրոպագանդա կատարելու» մեղադրանքի հիման վրա լրագրող Բերզան Գյունեշին դատապարտվել է 3 տարի 5 ամիս 15 օր ազատազրկման։

Աղբյուր` gazetekarinca.com