Ցեղասպանություն14:40, 04 Նոյեմբեր 2019
Էրդողանի խոսնակը՝ Ներկայացուցիչների պալատին․ «Դուք Ձեզ դրել եք դատարանի տեղ ու որոշումներ եք կայացնում»
Թուրքիայի նախագահի խոսնակ Իբրահիմ Քալընի անդրադարձել է նոյեմբերի 2-ին Դոլմաբահչե պալատում ԱՄՆ Ներկայացուցիչների պալատի պատվիրակության հետ անցկացված հանդիպմանը։
Քալընը նշել, որ հանդիպման ժամանակ թուրքական կողմն առաջին հերթին իր դժգոհությունն է հայտնել Ներկայացուցիչների պալատում Հայոց ցեղասպանությունը ճանաչող բանաձևի ընդունման և Թուրքիայի նկատմամբ պատժամիջոցներ կիրառելու որոշման առթիվ։
«Մենք նշեցինք, որ դրանք անընդունելի են ինչպես օրակարգ բերվելու ժամանակի, այնպես էլ բովանդակության և քաղաքական համատեքստի տեսակետից և չեն նպաստում թուրք –ամերիկյան հարաբերություններին», - ասել է նա։
Էրդողանի խոսնակը տարակուսանք է հայտնել, թե ինչու է Հայոց ցեղասպանության հարցը օրակարգ բերվել ոչ թե ապրիլին, ինչպես լինում է սովորաբար, այլ հենց հոկտեմբերին և հատկապես հոկտեմբերի 29-ին, երբ Թուրքիան նշում է իր հանրապետության օրը։
Շարունակելով Հայոց ցեղասպանության ժխտմանն ուղղված ավանդական ձևակերպումներ հնչեցնել՝ Քալընը առաջ է քաշել այն պնդումը, թե 1915թ․ տեղի ունեցած իրադարձությունները իրավաբանոության տեսակետից չեն կարող որպես ցեղասպանություն որակվել այն պատճառով, որ «Ցեղասպանություն» տերմինը Ռաֆայել Լեմկինի կողմից ստեղծվել է ավելի ուշ՝ 1944թ․։ Քալընը, սակայն, մոռացել է, որ Լեմկինն անձամբ բազմիցս նշել է, որ նշյալ տերմինը ստեղծելիս մտքում ունեցել է նաև հայերի կոտորածների դրվագները:
Քալընի երրորդ առարկությունն ընդդեմ Ներկայացուցիչների պալատի որոշման այն է, որ Հայոց ցեղասպանության փաստի վերաբերյալ դեռևս որևէ միջազգային դատարան որոշում չի կայացրել։
«Դուք Ձեզ դրել եք դատարանի տեղ ու որոշումներ եք կայացնում։ Անգամ փորձում եք կյանքի կոչել մի բանաձև, որը պիտի խոչընդոտի այս թեմաների շուրջ ազատ քննարկումները։ Իսկ ու՞ր մնաց խոսքի ազատություն»,- ասել է Էրդողանի խոսնակը։ Նա հավելել է, որ ԱՄՆ Կոնգրեսի պատվիրակությանը հիշեցվել է նախագահ Էրդողանի առաջարկը՝ Հայոց ցեղասպանության փաստի ուսումնասիրության նպատակով պատմաբանների հանձնաժողով ստեղծելու վերաբերյալ։
Այս ենթաբաժնի վերջին նորությունները
Սիրիայի Հասեքե նահանգի Միշերֆե թաղամասում գտնվողՍերդեմի անվան շենքում Հայոց ցեղասպանությանն անչվող միջոցառում է անցկացվել:
Քիչ հեռու հայերի մի խումբ էլ բողոքի ակցիա է իրականացրել՝ ընդդեմ թուրք ցուցարարների
Հայաստանի պաշտոնյաները և գիտական հանրությունը բազմիցս հայտարարել են, որ հայկական արխիվները բաց և հասանելի են բոլոր հետազոտողների համար:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայում գտնվելու ժամանակ Շամսիդին Ֆարիդունին սոցիալական ցանցում լուսանկարներ է հրապարակել։
Թուրքիայի նախագահն ամերիկացի գործընկերոջ հետ քննարկելու է Պաղեստինի Գազայի հատվածում տիրող իրավիճակը և մի շարք այլ երկկողմ հետաքրքրություն ներկայացնող հարցեր:
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Վերլուծաբանները նշում են, որ Թուրքիան կախված է ՌԴ-ից բնական գազի, նավթի, ածխի և նավթաքիմիական այլ ապրանքների ձեռք բերման հարցում և լավ գաղափար չէ նույնը անել նաև միջուկային էներգիայի համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |