Կանադան «Clean Fighter» մրցանակով պարգևատրել է քուրդ հրամանատարին

Հասարակական15:42, 30 Հոկտեմբեր 2019

Կանադան «Clean Fighter» մրցանակով պարգևատրել է քուրդ հրամանատարին

Կանադայի պաշտպանության նախարարությունն ամեն տարի «Clean Fighter» մրցանակով է պարգևատրում այն մարդկանց, որոնք ռազմական գործողություններում ծառայում են մարդկության շահերին:

Կանադայի պաշտպանության նախարարությունը հայտարարել է, որ այս անգամ «Մաքուր մարտիկ» մրցանակով է պարգևատրել «Սիրիայի դեմոկրատական ուժերի» (SDF) գլխավոր հրամանատար Մազլում Քոբանիին (Ֆերհադ Աբդի Քոբանի):

Թուրքական աղբյուրի փոխանցմամբ` Մազլում Քոբանին մրցանակը ստանալու համար հրավիրվել է Կանադա:

Նշվում է, որ ավելի վաղ ԱՄՆ նախագահ Դոնալդ Թրամփն անձամբ զանգահարել էր Քոբանիին և հրավիրել Ամերիկա:

Հիշեցնենք, որ Մազլում Աբդի Քոբանին ներառված է Թուրքիայում առավել վտանգավոր «ահաբեկիչների» ցուցակում։ Թուրքիան ԱՄՆ-ից պահանջում է նրա արտահանձնումը:

Քոբանիին Թուրքիայում համարվում է Սիրիայում քրդական «Ժողովրդական ինքնապաշտպանական ջոկատների» (YPG) ղեկավարներից: Իսկ ինչպես հայտնի է, YPG-ն էլ թուրքական իշխանությունները նույնացնում են Թուրքիայում ահաբեկչական համարվող «Քուրդստանի բանվորական» կուսացության (PKK-ՔԲԿ) հետ:

Աղբյուր` Demokrathaber.org

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։