Ստամբուլում ահաբեկչական փորձ է կանխվել

Իրավական15:58, 29 Հոկտեմբեր 2019

Ստամբուլում ահաբեկչական փորձ է կանխվել

Ստամբուլի ոստիկանության հետախուզության և ահաբեկչության դեմ պայքարի վարչությունը կանխել է ահաբեկչության փորձ:

Թուրքական աղբյուրի տեղեկացմամբ` 3 կասկածյալ բերման է ենթարկվել: Նրանք մեղադրվում են «Իսլամական պետություն» ահաբեկչական խմբավորման անդամ լինելու մեջ:

Նշվում է, որ կասկածյալները նախորդ շաբաթ ավտոմեքենա են գողացել, այնուհետև փոխել համարանիշերը: Նրանք պատրաստվում էին ահաբեկչական ակտ իրականացնել Թուրքիայի Հանրապետության տոնին նվիրված միջոցառումների ժամանակ:

Ոստիկանական ստորաբաժանումները խուզարկության ընթացքում հայտնաբերել և առգրավվել են պոմպային հրացան, ատրճանակ, բազմաթիվ փամփուշտներ, փաստաթղթեր և այլ իրեր:

Պնդումներ կան, որ կասկածյալներից մեկի եղբայրը սպանվել է Սիրիայի հակամարտության գոտում:

Բացի Ստամբուլից, Թուրքիայի ոստիկանական ստորաբաժանումները Մերսինում բերման են ենթարկել ԻՊ-ի անդամ լինելու մեջ կասկածվող 5 անձի, որից 4-ը Սիրիայի քաղաքացի են:

Աղբյուր` ntv.com.tr

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։