Արդյոք կփակվի՞ Ինջիրլիքի ռազմաբազան

Տարածաշրջան18:08, 24 Հոկտեմբեր 2019

Արդյոք կփակվի՞ Ինջիրլիքի ռազմաբազան

Ռուսաստանի և Թուրքիայի միջև ռազմատեխնիկական համագործակցության բնագավառում վերջին զարգացումների համատեքստում թուրքական մամուլն անդրադարձել է ՆԱՏՕ-ի Ինջիրլիք ռազմաբազայի շուրջ հնարավոր զարգացումներին։

Euronews-ի թուրք թղթակից Մեհմեթ Ջեմ Դեմիրջին հոդված է հրապարակել, որտեղ անրդադարձել է Թուրքիայի Ինջիրլիք ռազմաբազայի փակման հավանականության հարցին՝ հաշվի առնելով վերջին շրջանում թուրք-ամերիկյան հարաբերությունների լարվածությունը:

Թղթակիցը նախ նշում է, որ վերջին շրջանում ռուս-թուրքական հարաբերությունները բարձ մակարդակի են հասել, թե տարածաշրջանային և թե ռազմական հարցերում։

Դեմիրջին գրում է, որ մինչև այս տարեվերջ նախատեսվում է, որ Ռուսաստանը կավարտի S-400 ՀՕՊ համակարգերի խմբաքանակի մատակարումը Թուրքիային։ Ի պատասխան դրան՝ ԱՄՆ-ն Թուրքիային դուրս թողեց նոր սենդի F-35 կործանիչների ծրագրից։

Հեղինակի կարծիոքվ ստեղծված իրավիճակից հետո ավելի շատ շրջանառվեց այն ենթադրությունը, որ Թուրքիան ՆԱՏՕ-ից դուրս կգա, իսկ ԱՄՆ-ն կհանի իր միջուկային ռումբերը Ադանա քաղաքում գտնվող Ինջիրլիք ռազմաբազայից։

Ադանայում գտնվող Ինջիրլիքի ռազմաբազան գործում է 1955 թվականի փետրվարի 15-ից։ Ռազմաբազայի օգտագործման իրավական խնդիրները կարգավորվում են 1980 թվականի մարտի 29-ին ԱՄՆ-ի և Թուրքիայի միջև կնքված համաձայնագրով։

Ըստ թուրք վերլուծաբանի՝ Ինջիրլիքի ռազմաբազայի փակումն իրատեսական չէ, քանի որ այն պայմանավորված չէ միայն թուրք-ամերիկյան հարաբերություններում առկա լարմամբ։ Այն հնարավոր կարող է լինել միայն ՆԱՏՕ-ի կազմից Թուրքիայի դուրս գալու դեպքում։ Իսկ նման զարգացում տեսանելի ապագայում դժվար թե տեղի ունենա։

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։