Ռազմական16:42, 24 Հոկտեմբեր 2019
Թուրքիայի պաշտպանության նախարար. «Մենք կարող ենք գնել ամերիկյան «Patriot» համակարգերը»
Թուրքիայի պաշտպանության նախարար Հուլուսի Աքարը միջազգային «Reuters» լրատվական գործակալությանը տված հարցազրույցում անդրադարձել է ամերիկյան F-35 կործանիչների ծրագրից դուրս գալու խնդրին, Թուրքիայի` ՆԱՏՕ-ում ունեցած խնդիրներին, ինչպես նաև «խաղաղության ակունք» ռազմագործողությանը:
Ինչպես գիտենք, Թուրքիայի կողմից ռուսական S-400 զենիթահրթիռային ՀՕՊ համակարգերի ձեռքբերման հետևանքով ԱՄՆ-ն պաշտոնական Անկարային հեռացրել էր ամերիկյան F-35 կործանիչների արտադրության ծրագրից: Հուլուսի Աքարը նշել է, որ թեև տարաձայնություններ կան ԱՄՆ-ի հետ, բայց դրանք հաղթահարելու են: Նրա խոսքով` Թուրքիան ԱՄՆ-ից կարող է գնել «Patriot» տեսակի համակարգեր:
ՆԱՏՕ-ից Թուրքիայի դուրս գալու վերաբերյալ հարցին թուրք նախարարը պատասխանել է. «Մենք ՆԱՏՕ-ի կենտրոնում ենք, ոչ մի տեղ չենք գնում: Ուղղակի ՆԱՏՕ-ի մեր դաշնակիցների կողմից չհասկացված լինելու որոշակի խնդիրներ ունենք»:
Ինչ վերաբերում է ԱՄՆ-ի կողմից ռազմագործողության հետևանքով Թուրքիայի նկատմամբ պատժամիջոցներ սահմանելու հարցին, Աքարը հույս է հայտնել, որ ԱՄՆ-ի պատժամիջոցները ժամանակավոր կլինեն, և այդ թեման դուրս կգա օրակարգից:
Թուրքիայի պաշտպանության նախարարը հայտարարել է, որ առաջիկայում Սիրիայի հյուսիս-արևելքում վնասազերծվելու են ինքնաշեն պայթուցիկները և այն քուրդ զինյալները, որոնք մնացել են այդ շրջաններում: Աքարը նկատել է տվել, որ Թուրքիայի վերահսկողության տակ 200-ից ավել «Իսլամական պետություն» (ԻՊ) ահաբեկչական խմբավորման զինյալներ կան:
Նա հերքել է ռազմագործողության ընթացքում թուրքական կողմի` քիմիական զենք կիրառելու մասին տեղեկությունները:
Նախարարը նաև ասել է, որ Սիրիայի հյուսիսում Թուրքիայի կողմից ստեղծվելիք անվտանգության գոտու վերաբերյալ Գերմանիայի առաջարկը ստացել են ու հիմա քննարկում են դիտակետերի տեղակայման հարցը:
Այս ենթաբաժնի վերջին նորությունները
2022-ի համեմատ 2023-ին Թուրքիայի ռազմական ծախսերն այն աճել են 37%-ով՝ հասնելով 15.8 միլիարդ դոլարի։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Այն Համարվում է Եվրոպայում ԱՄՆ-ի ու ՆԱՏՕ-ի արևելյան ռազմակայանը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |