Միջազգային16:25, 21 Հոկտեմբեր 2019
Գերմանիայի արտգործնախարարը Սիրիայում Թուրքիայի գործողությունները անօրինական է համարել
Գերմանիայի արտգործնախարար Հեիկո Մաասը հայտարարել է, որ Սիրիայի հյուսիս-արևելքում Թուրքիայի կողմից իրականացվող ռազմագործությունը հակասում է միջազգային իրավունքի նորմերին։
Գերմանական «ZDF» հեռուստաընկերության ուղիղ եթերում Մաասը մասնավորապես հայտարարել է․ «Ես չեմ հավատում, թե քրդական միությունների կամ քուրդ զինյալների վրա հարձակումները միջազգային իրավունքի տեսակետից օրինական են կամ որևէ աղերս ունեն օրինականության հետ։ Եթե նման զավթումը իր հիմնավորումը չունի միջազգային իրավունքում, ուրեմն այն հակասում է միջազգային իրավունքին»։
Գերմանիայի արտգործնախարարը Թուրքիայից պահանջել է դադարեցնել Սիրիայի տարածքում ռազմական գործողությունները։ Անդրադառնալով ժամանակավոր զինադադարի մասին Թուրքիայի և ԱՄՆ-ի միջև ձեռք բերված պայմանավորվածությանը՝ Մաասը նշել է, որ զինադադարը միայն հինգ օր չպետք է տևի, այն պետք է երկարատև լինի։
Իսկ Սիրիայի հյուսիսում «անվտանգության գոտի» ստեղծելու Թուրքիայի առաջարկի վերաբերյալ գերմանացի նախարարը մասնավորապես ասել է․ «Մենք չենք կարող գումարներ վճարել այնպիսի բաների համար, որոնք մեր ընկալմամաբ օրինական և արդարացված չեն»։
Մաասը չի ցանկացել պատասխանել Թուրքիայի նախագահ Ռեջեփ Թայիփ Էրդողանի կողմից իրեն ուղղված անձնական վիրավորանքներին, սակայն նշել է․ «Վերջին հաշվով ես նախընտրում եմ, որ Էրդողանը ոչ թե հրթիռներով հարվածի, այլ խոսքերով։ Եթե այդ հարցում կարողանանք համաձայնության գալ, նա կարող է շարունակել իմ հասցեին անձնական վիրավորանքներ հնչեցնել»։
Հիշեցնենք, որ նախորդ շաբաթ Էրդողանը հայտարել էր․ «Գերմանիայի արտգործնախարարը՝ իր չափը չճանաչող մի մարդ, վեր է կացել, ասում է, թե՝ Թուրքիայի զենք չենք վաճառելու։ Աման, մենք «կորած ենք»։ Ես ոչինչ չեմ կորցնի, կորցնողը դուք կլինեք։ Ի՞նչ պիտի լինի, եթե դու մեզ զենք չվաճառես, ի՞նչ է, պիտի կործանվե՞նք»։
Այս ենթաբաժնի վերջին նորությունները
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Գազայի հատված ամենաշատ հումանիտար օգնություն ուղարկած երկրների թվում են Թուրքիան, Արաբական Միացյալ Էմիրությունները (ԱՄԷ) և Սաուդյան Արաբիան։
Վերլուծության մեջ նշվում է, որ այդ 4 քայլերով Թուրքիայի ուժը տարածաշրջանում օրեցօր մեծանում է։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Նշվում է, որ վերոնշյալ հայտարարության պատճառով բացված դատական գործով վճիռ է կայացվել Անկարայի 48-րդ ընդհանուր իրավասության քրեական դատարանում։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Քուրդ լրագրող Սերդար Ալթանը Ermeniahaber.am-ին տված հարցազրույցում իր կանխատեսումներն է ներկայացրել Թուրքիայում կայանալիք ՏԻՄ ընտրությունների արդյունքների վերաբերյալ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |