Տարածաշրջան17:31, 14 Հոկտեմբեր 2019
Էրդողանն անդրադարձել է Սիրիական բանակի՝ քրդերին օգնության գնալու լուրերին
Թուրքիայի նախագահ Ռեջեփ Թայիփ Էրդողանը անդրադարձել է Սիրիայի քրդական ուժերի ու Դամասկոսի համաձայնությանը, որի շրջանակներում Սիրիայի կառավարական ուժերը օգնության են գնում քրդերին:
Մեկնաբանելով այն լուրերը, որ կառավարական ուժերը շարժվում են դեպի քրդերի վերահսկողության տակ գտնվող Քոբանի ու Մանբիչ քաղաքներ՝ Էրդողանը նշել է, որ իրենք խնդիր չեն ունենալու Քոբանի մտնելու հետ կապված:
«Այս պահի դրությամբ շատ ասեկոսեներ են շրջանառվում: Երևում է, որ Քոբանիում խնդիր չի լինելու, Ռուսաստանն էլ դրական մոտեցում ունի այստեղ»,- ասել է Թուրքիայի նախագահը:
Խոսելով Սիրիայի հյուսիսում՝ Եփրատից արևելք ընկած հատվածում գտնվող Մանբիչ շրջանի մասին՝ որտեղ առկա է քրդական ուժերի վերահսկողությունը և կան նաև փոքր քանակությամբ ամերիկացի զինվորականներ, ասել է. «Մանբիչի վերաբերյալ մեր ծրագիրը շարունակում ենք: Մենք նպատակ չունենք այնտեղ հաստատվել: Կոալիցիան ուժերի հետ մեր համաձայնությունն էլ այնպիսին էր, որ այն 90 օրվա ընթացքում պետք է մաքրվեր ահաբեկչությունից (քրդերին նկատի ունի-խմբ.): Ահաբեկչությունից մաքրվելուց հետո այստեղ պետք է վերադառնան իրական տերերը: Մանբիչի հարցում մենք իրականացնում ենք մեր որոշածը»,- ասել է Էրդողանը:
Հիշեցնենք, որ Սիրիայի հյուսիսի Եփրատից արևելք գտնվող մասը իրենց վերահսկողության տակ պահող քրդական ուժերը պայմանավորվել էին Սիրիայի կառավարության հետ, որի արդյունքում կառավրական ուժերը քրդերին թուրքերի ագրեսիայից պշտպանելու նպատակով շարժվել են դեպի թուրք-սիրիական սակմանային Քոբանի քաղաք, ինչպես նաև հասել են Եփրատից արևմուտք գտնվող Մանբիչի շրջան:
Այս ենթաբաժնի վերջին նորությունները
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Թուրքիայի արևելյան Թոքաթ նահանգում 3-րդ երկրաշարժն է գրանցվել 1 օրում: Կան ավերածություններ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |