Հասարակական15:59, 11 Հոկտեմբեր 2019
Պոլսի հայոց պատրիարքարան. «Սիրիայի ժողովուրդը արժանի է խաղաղության»
Պոլսի հայոց պատրիարքարանը հայտարարություն է տարածել Սիրիայում Թուրքիայի կողմից իրականացվող ռազմական գործողության վերաբերյալ:
Հայտարարության տեքստը ստորև.
«Մերձավոր Արևելքում, հատկապես Սիրիայում շարունակվող պատերազմական ու քաոսային իրավիճակը խորապես վշտացնում և մտահոգում է մեզ: Դժբախտաբար, խաղաղության հաստատումը միշտ չէ, որ խաղաղ ճանապարհով է լինում: Մենք աղոթում ենք, որ գործողությունը, որի նպատակը ահաբեկչությանը վերջ դնելն ու երկրի սահմանների անվտանգության ապահովումն է, պատշաճ ձևով հասնի իր նպատակին և հնարավորինս շուտ անվտանգություն հաստատվի: Թող Աստված իր ողորմածությամբ պահպանի մեր երկիրը և մեր ժողովրդին։
Մեր եկեղեցիներում մատուցվող պատարագների ընթացքում մշտապես աղոթում ենք Թուրքիայի հանրապետության բարօրության և բանակի համար։ Ամեն պատարագի ընթացքում աղոթում ենք, որ մեր բանակի «Խաղաղության ակունք» գործողությունը հասնի իր խաղաղարար նպատակներին և մեր զինվոր զավականերն, իրենց ծառայությունը հաջողությամբ կատարելով, վերադառնան տուն։ Թող Աստված մեր առաջնորդներին և հրամանատարներին իմաստություն, կարեկցանք և ողջախոհություն տա։
Սիրիայի ժողովուրդը, որը ենթարկվել է ամեն տեսակի ճնշումների, ահաբեկչության, անարդարության, խոշտանգումների և տեղահանման, լիովին արժանի է արդար խաղաղության ամենալավ դրսևորմանը։ Աղաչում ենք Տիրոջը, որ նրանք, չկորցնելով հավատը արդարության, խաղաղության և լավ օրերի նկատմամբ, կարողանան հույսով նայել պայծառ ապագային։
Թող Տերը օրհնի բոլոր իրական խաղաղասերներին, երկխոսության մթնոլորտ ստեղծողներին և խաղաղության դեսպաններին ՝ անկախ նրանց կրոնից և ազգությունից»։
Այս ենթաբաժնի վերջին նորությունները
Ցուցարարները Եվրախորհրդարանի առջև բողոքել են Թուրքիայում երեխաների իրավունքների խախտումների դեմ
Նախաձեռնարկ մարմինը կազմակերպում է Պոլսո հայոց 85-րդ պատրիարքի ընտրությունը:
Հարցման մասնակիցների 16 տոկոսը «Ձեզ ո՞ր ազգի ներկայացուցիչ եք զգում» հարցին պատասխանել է՝ «քուրդ եմ»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, բայց իմ ձեռքում դրանք չպետք է լինեն. ես դա չեմ ընդունում
ամենաշատ ընթերցված
Գանձեր որոնողները հանում են եկեղեցու քարերը ու վաճառում, անցքեր են բացում պատերին ու հիմքերի մոտ:
ԱԳՆ-ի Հետազոտությունների և անվտանգության հարցերով գլխավոր վարչությունը աշխատանքներ է իրականացնում նաև միջազգային հանրությանը FETÖ-ի (Գյուլենական համայնք) մասին իրազեկելու ուղղությամբ:
Նախքան բյուջեի նախագծի քննարկումը, միջադեպ է տեղի ունեցել Թուրքիայի ներքին գործերի նախարար Սուլեյման Սոյլուի և ընդդիմադիր պատգամավորների միջև:
Հուշարձանի հիմքում տեղադրվել է Հայաստանից բերված խաչքար:
Պոմպեոն նախօրեին հայտարարել էր, որ Վաշինգտոնն արդեն անօրինական համարում Իսրայելի վերահսկողության տակ գտնվող տարածքներում հրեական կառավարության կողմից հիմնված բնակավայրերը:
Օրացույց
Հարցումներ
Այս թեկնածուներից ու՞մ կցանկանայիք տեսնել Պոլսո հայոց պատրիարքի աթոռին
արտարժույթ
| EUR | TRY | USD |
| 549.84 | 90.05 | 485.12 |