Թուրքիայում 78 անձի նկատմամբ հետաքննություն է սկսվել Սիրիայում ռազմագործողությունը քննադատելու համար

Իրավական15:26, 11 Հոկտեմբեր 2019

Թուրքիայում 78 անձի նկատմամբ հետաքննություն է սկսվել Սիրիայում ռազմագործողությունը քննադատելու համար

Աշխարհի տարբեր կողմերից դատապարտող հայտարարություններ և դադարեցման կոչեր են տարածվում Թուրքիայի կողմից Սիրիայի հյուսիս-արևելքում իրականացվող «Խաղաղության ակունք» ռազմագործողության վերաբերյալ:

Միջազգային քննադատական արձագանքներին զուգահեռ Թուրքիայի բազմաթիվ քաղաքացիներ սոցցանցերում այդ ռազմագործողությունը դատապարտող գրառումներ են կատարել, ինչի հետևանքով նրանց նկատմամբ հետաքննություն է սկսվել:

Թուրքիայի ոստիկանության գլխավոր վարչության տարածած գրավոր հաղորդագրության մեջ նշվում է, որ հոկտեմբերի 9-ից սկսած «Խաղաղության ակունք» ռազմական գործողության մասին Թուրքիայի դեմ «սև քարոզչություն իրականացնելու, ժողովրդի մեջ վրեժխնդրություն և ատելություն տարածելու» համար 78 անձի նկատմամբ հետաքննություն է սկսվել:

Նշվում է նաև, որ թուրքական ոստիկանակությունը շարունակելու է պայքարել հանցագործությունների դեմ նաև համացանցային տիրույթում:

Աղբյուր` Diken.com.tr

Այս ենթաբաժնի վերջին նորությունները

11:59, 06 օգոս

Թուրքիայում ոստիկանները ձերբակալել են կանանց բռնությունների դեմ բողոքի ակցիայի մասնակիցներին

Թուրքիայի կառավարության՝ Ստամբուլյան կոնվենցիայից դուրս գալու հնարավորության մասին հայտարարությունից հետո երկրում պարբերաբար կանանց մասնակցությամբ բողոքի ակցիաներ են տեղի ունենում։

14:14, 03 օգոս

Թուրքիայում միայն հուլիսին տղամարդկանց կողմից սպանվել է 36 կին

Կանանցից 13-ը սպանվել է ամուսնուց ապահարզան պահանջելու և հաշտությունը մերժելու պատճառով։

16:49, 29 հուլ

Ստամբուլի հայկական եկեղեցու խաչը պոկած անձը դատապարտվել է 1 տարի 4 ամիս ազատազրկման

Մայիսին այդ անձը վայրագորեն պոկել ու մայթին էր նետել Սկյուտար թաղամասում գտնվող հայկական Սբ. Գրիգոր Լուսավորիչ եկեղեցու մուտքի դարպասների վրա տեղադրված խաչը։