Ո՞վ է կողմ և ո՞վ՝ դեմ. Թուրքական մամուլն անդրադարձել է ռազմական օպերացիայի միջազգային արձագանքներին

Տարածաշրջան12:56, 11 Հոկտեմբեր 2019

Ո՞վ է կողմ և ո՞վ՝ դեմ. Թուրքական մամուլն անդրադարձել է ռազմական օպերացիայի միջազգային արձագանքներին

Թուրքական մամուլն անդրադարձել է Թուրքիայի կողմից Սիրիայի տարածքում իրականացվող «Խաղաղության ակունք» ռազմական օպերացիայի միջազգային արձագանքներին։

Ռազմական գործողություններին արձագանքած երկրներին բաժանելով «յուրայինների» և «հակառակորդների» ճամբարների՝ թուրքական մամուլի հրապարակումներում առանձնացվել են դեմ և կողմ արտահայտված երկրների ցանկը։

Սիրիայի հյուսիս-արևելքում թուրքական բանակի սկսած ռազմական գործողությունները դատապարտող երկրների շարքին են ավելացել նաև Հունաստանը և Իսրայելը։ Հունաստանն այս ռազմական օպերացիան բնորոշել է որպես օկուպացիա և հայտարարել, որ այդ գործողություններն ապօրինի են։

Իսրայելն էլ զգուշացրել է Թուրքիային, որ հանկարծ չփորձի էթնիկ զտման քաղաքականություն իրականացնել՝ հայտարարելով. «Խիզախ քուրդ ժողովրդի կողքին ենք և պատրաստ ենք աջակցելու»։

Ըստ թուրքական մամուլի հրապարակումների՝ Թուրքիայի իրականացրած ռազմական գործողություններին կողմ են արտահայտվել և իրենց զորակցությունն են հայտնել Պակիստանը, Հյուսիսային Կիպրոսի Թուրքական ինքնահռչակ Հանրապետությունը, Հունգարիան, Կատարը և Իսպանիան։

Ռազմական գործողությունները դատապարտող երկրների շարքում են Սաուդյան Արաբիան, Շվեդիան, ԱՄՆ-ն, Գերմանիան, Ֆրանսիան, Հոլանդիան, Եգիպտոսը, Կանադան, Դանիան, Իրանը, Ֆինլանդիան, Իսրայելը, Հունաստանը և Հայաստանը։

Ըստ թուրքական լրատվամիջոցների բնորոշման՝ Ռուսաստանը չեզոք դիրք է գրավել այս հարցում։

Այս ենթաբաժնի վերջին նորությունները

01:10, 13 դեկտ

ԱՄՆ-ի Սենատի բանաձևն արդարության և ճշմարտության հաղթանակն է. Փաշինյան

ԱՄՆ Սենատը դեկտեմբերի 12-ին միաձայն ընդունեց Հայոց ցեղասպանությունը ճանաչող և դատապարտող 150-րդ բանաձևը։

17:46, 12 դեկտ

Լավրով. «Սիրիայի բանակի կողմից իրականացվող Իդլիբի ռազմագործողությունը չի խախտում Թուրքիայի հետ համաձայնությունը»

Պաշտոնական Կրեմլի հայտարարության մեջ նշված է. «Պուտինը հասկանում է Էրդողանի մտահոգությունները, սակայն Պուտինն էլ մտահոգված է ընդդիմադիր ուժերի գնալով աճող հարձակումներով»։

14:45, 11 դեկտ

Թուրքիան սպառնացել է փակել ՆԱՏՕ-ի ռազմաբազան

Թուրքիայի արտգործնախարարը արձագանքել է ԱՄՆ Սենատի արտաքին հարաբերությունների հանձնաժողովի հանրապետական և դեմոկրատ սենատորների կողմից պատրաստված պատժամիջոցների նախագծին: