Թրամփի սպառնալիքներից հետո Էրդողանը մեկնում է ԱՄՆ

Քաղաքական10:30, 09 Հոկտեմբեր 2019

Թրամփի սպառնալիքներից հետո Էրդողանը մեկնում է ԱՄՆ

Թուրքիայի նախագահ Ռեջեփ Թայիփ Էրդողանը նոյեմբերի 13-ին Վաշինգտոնում կհանդիպի ԱՄՆ-ի նախագահ Դոնալդ Թրամփի հետ։ Այդ մասին հայտնի է դարձել ԱՄՆ-ի նախագահի Twitter-ում արած գրառումից։

«Այնքան հեշտ են մոռանում, որ Թուրքիան ԱՄՆ-ի խոշոր առևտրային գործընկերն է: Այդ նրանք են F-35 կործանիչների համար արտադրում պողպատե թափքեր։ Նրանց հետ հաճելի էր գործ ունենալ։ Նրանք օգնեցին Սիրիայի Իդլիբ նահանգում մարդկային կյանքեր փրկել։ Իրենք իմ հարցումով վերադարձրեցին ամերիկացի հոգևորական Էնդրյու Բրանսոնին, ով դեռ երկար պետք է մնար բանտում։ Անկարևոր չէ նաև այն, որ Թուրքիան՝ հեղինակություն ունեցող ՆԱՏՕ-ի կարևոր անդամ է։ Էրդողանը նոյեմբերի 13-ին հյուրընկալվելու է ԱՄՆ-ում»։

Ավելի վաղ Թրամփն իր Twitter-ի գրառումներից մեկում սպառնացել էր ոչնչացնել Թուրքիայի տնտեսությունը, եթե թուրքական կողմը Սիրիայի քրդերի հարցում «չափերն անցնի»։

Նշենք, որ Թուրքիան պատրաստվում է Սիրիայի Եփրատ գետի արևելյան հատվածում նոր ռազմական գործողություններ սկսել քուրդ զինյալների դեմ, որոնց համարում է ահաբեկիչներ։ Նախօրեին հայտնի դարձավ, որ թուրքական ստորաբաժանումներն արդեն ներխուժել են Սիրիայի տարածք և շարժվում են Եփրատ գետի արևելյան հատված։

Աղբյուր` Hurriyet

Այս ենթաբաժնի վերջին նորությունները

11:59, 18 սեպ

Թուրք նախարար. Ադրբեջանի ու Թուրքիայի տնտեսություններն ունեն միմյանց փոխլրացնող առանձնահատկություն

Օմեր Բոլաթը մասնակցել է Բաքվում կայացած «Ադրբեջան-Թուրքիա տնտեսական և մշակութային հարաբերությունների կամուրջ» միջոցառմանը:

11:52, 18 սեպ

Պաղեստինի նախագահը մեկնում է Թուրքիա

Մահմուդ Աբբասը կհանդիպի Ռեջեփ Թայիփ Էրդողանի հետ։

11:10, 18 սեպ

Իբրահիմ Քալընը նշել է, որ Թուրքիան մշտապես Սիրիայի կողքին է

Թուրքիայի ազգային հետախուզական կազմակերպության (MİT) ղեկավարը և Սիրիայի անցումային շրջանի նախագահ Ահմեդ ալ-Շարան քննարկել են երկկողմ և տարածաշրջանային հարցեր։