Սպիտակ տուն. «Թուրքիան ամեն պահի կարող է ռազմագործողություններ սկսել Եփրատի արևելքում»

Տարածաշրջան10:16, 07 Հոկտեմբեր 2019

Սպիտակ տուն. «Թուրքիան ամեն պահի կարող է ռազմագործողություններ սկսել Եփրատի արևելքում»

ԱՄՆ-ն հայտարարել է, որ Թուրքիան ամեն պահի կարող է ռազմագործողություններ սկսել Եփրատի արևելքում:

Սպիտակ տան տարածած հաղորդագրության մեջ նշվում է, որ Թուրքիայի նախագահ Ռեջեփ Թայիփ Էրդողանը և ԱՄՆ նախագահ Դոնալդ Թրամփը հեռախոսազրույց են ունեցել, որի ընթացքում քննարկել են Թուրքիայի կողմից Սիրիայի հյուսիսում ծրագրվող ռազմական գործողությունների թեման:

«ԱՄՆ-ի զինուժը չի աջակցելու և ներառվելու այդ գործողությանը: ԱՄՆ-ի զինված ստորաբաժանումները, որոնք պարտության մատնեցին Իսլամական պետություն (ԻՊ) ահաբեկչական խմբավորմանը, այլևս անմիջական ներկայություն չեն ունենա այդ շրջաններում»,-ասված է Սպիտակ տան հայտարարությունում:

Չի նշվում, թե Թուրքիայի կողմից իրականացվելիք ռազմական գործողություններն ինչ խորությամբ եմ լինելու, և արդյոք ԱՄՆ-ն ամբողջովին է Սիրիայից դուրս գալու, թե ոչ:

Հաղորդագրության մեջ նաև նշվում է, որ վերջին երկու տարվա ընթացքում ԱՄՆ-ի զինուժի կողմից Սիրիայում ձերբակալված ԻՊ գրոհայինների համար այսուհետև Թուրքիան է պատախանատու լինելու:

Աղբյուր` gazeteduvar.com.tr

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։