Իրավական13:41, 04 Հոկտեմբեր 2019
Էրդողանը դատի է տվել իր համար ցմահ բանտարկություն կանխատեսող նախկին զինվորականին
Թուրքիայի նախագահ Ռեջեփ Թայիփ Էրդողանը դատի է տվել թուրքական բանակի պահեստազորի ծովակալ Աթիլլա Քըյաթին «Twitter»-ում արած գրառման համար: Գրառման մեջ Քըյաթը Էրդողանի համար նույն «վերջն» է կանխատեսել, ինչը որ եղավ Թուրքիայի նախկին նախագահ Քենան Էվրենի դեպքում՝ ցմահ բանտարկության դատավճիռ:
Քըյաթը, անդրադառնալով վերջին օրերին Էրդողանի կուսակիցների կողմից շրջանառության մեջ դրած այն թեզին, որի ընդունման դեպքում նախագահական ընտրություններում հաղթանակի համար պահանջվող 50+1 տոկոսը նկփոխարինվի 40+1 տոկոսի, գրել է.
«Ընտրությունների (խորհրդարանական-խմբ.) անցողիկ շեմը 10 տոկոսի բարձրացրած Քենան Էվրենի ու այսօր ընտրվելու (նախագահ-խմբ.) շեմը մինչև 40 տոկոս իջեցնել ցանկացողի մեջ ոչ մի տարբերություն չկա: Երկուսի վերջը ևս հնարավոր է լինի նույնը»:
Էրդողանի փաստաբան Հուսեյին Այդընը այս գրառման համար բողոք է ներկայացրել դատախազություն՝ պնդելով, որ թեև գրառման մեջ իր պաշտպանյալի անունն ուղղակիորեն չի հիշատակվում, բայց գրառումից ու մեկնաբանություններից ակնհայտ է, որ «թիրախավորվել է հենց Էրդողանը»:
Հիշեցնենք, որ Քենան Էվրենը եղել է Թուրքիայի 7-րդ նախագահը (1982-1989թթ.):
1980թ. ռազմական հեղաշրջման գլխավոր կազմակերպիչներից մեկը հանդիսացած Էվրենը մինչ այդ զբաղեցրել է երկրի գլխավոր շտաբի պետի պաշտոնը: Հեղաշրջումից հետո նա զբաղեցրել է գերիշխող դիրք նոր վարչակազմում, ապա ընտրվել է նախագահ և այդ պաշտոնում մնացել մինչև 1989 թվականը։
Հեղաշրջումը և Էվրենի կառավարման սկիզբն ուղեկցվել են մասսայական քաղաքական ճնշումներով. 178 հազար մարդ ձերբակալվեց, 64 հազարը բանտարկվեց, 30 հազարը զրկվեց քաղաքացիությունից, 450 մարդ մահացավ խոշտանգումներից, 50 մարդ ենթարկվեց մահապատժի շատերը անհետ կորան։
2012 թվականի հունվարի 10-ին Թուրքիայի դատական մարմինները մեղադրեցին Քենան Էվրենին 1980 թվականի հեղաշրջմանը մասնակցելու մեջ։ 2014 թվականին հունիսի 18-ին Անկարայի 10-րդ քրեական դատարանը նրան մեղավոր ճանաչեց «պետական իշխանության դեմ հանցագործություն» կատարելու համար և նրան դատապարտեց ցմահ ազատազրկման, ինչպես նաև զրկեց զինվորական կոչումից։
2015 թվականի մայիսի 1-ին որովայնի սուր ցավով նա տեղափոխվել է հիվանդանոց և հենց այնտեղ մայիսի 9-ին մահացել է։
Այս ենթաբաժնի վերջին նորությունները
Անկարայի, Իզմիրի և Կեսարիայի գլխավոր դատախազությունների որոշմամբ տարբեր նահանգներում միաժամանակյա գործողություններ են իրականացվել։
Նրանք մեղադրվում են Թուրքիայում ահաբեկչական խմբավորում համարվող «PKK»-ի անդամ լինելու և ահաբեկչական խմբավորման օգտին քարոզչություն անելու մեջ։
Այս մասին հայտարարել է Կիպրոսի նախագահ Նիկոս Անաստասիադիս։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, բայց իմ ձեռքում դրանք չպետք է լինեն. ես դա չեմ ընդունում
ամենաշատ ընթերցված
Թուրքիայի մեջլիսի հայ պատգամավորը մասնակցել է «Քարի ձոն` Անի» խորագրով ցուցահանդեսին, որի ընթացքում այցելել է նաև Անիի ավերակներ:
Գերմանական ARD հեռուստաընկերության «Մոռացված կոտորած. ինչպե՞ս Աթաթուրքը կոտորեց ալևիներին» պատրաստած վավերագրական ֆիլմը մեծ աղկուկ է հանել Թուրքիայում։
Դմիտրի Շուգաևը ռուսական «Interfax» լրատվական գործակալությանը տված հարցազրույցում անդրադարձել է ռուսական S-400 համակարգերի նոր խմբաքանակի շուրջ համաձայնագրի կնքմանը:
Կիպրոսը դիմել է Հաագայի Միջազգային դատարան Միջերկրական ծովի արևելյան հատվածում իր իրավունքները պաշտպանելու նպատակով։
Նրանք մեղադրվում են Թուրքիայում ահաբեկչական խմբավորում համարվող «PKK»-ի անդամ լինելու և ահաբեկչական խմբավորման օգտին քարոզչություն անելու մեջ։
Օրացույց
Հարցումներ
Այս թեկնածուներից ու՞մ կցանկանայիք տեսնել Պոլսո հայոց պատրիարքի աթոռին
արտարժույթ
| EUR | TRY | USD |
| 549.84 | 90.05 | 485.12 |