Իրաքի մայրաքաղաքում Թուրքիայի դեսպանատան հարևանությամբ պայթյուն է որոտացել

Միջազգային13:24, 03 Հոկտեմբեր 2019

Իրաքի մայրաքաղաքում Թուրքիայի դեսպանատան հարևանությամբ պայթյուն է որոտացել

Իրաքի մայրաքաղաք Բաղդադում՝ Թուրքիայի դեսպանատան հարևանությամբ, 2 հրթիռ է ընկել։ ԴԵսպանատունը գտնվում է Բաղդադի՝ «Կանաչ գոտի» կոչվող հատուկ պահպանվող շրջանում, որտեղ տեղակայված են նաև այլ երկրների դիվանագիտական ներկայացուցչություններ:

«Կանաչ գոտում» անվտանգության միջոցառումները խստացվել են, Բաղդադում պետական կառույցների աշխատանքը մեկ օրով դադարեցվել է։

Վերջին օրերին գործազրկության և անօրինականությունների դեմ ընթացող զանգվածային ցույցերի պատճառով Բաղդադում փողոց դուրս գալու արգելք է սահմանվել: Ցույցերի ընթացքում անվտանգության ուժերի հետ բախումների պատճառով 7 մարդ է զոհվել, ավելի քան 400-ը՝ վիրավորվել։

Թուրքիայի արտաքին գործերի նախարարությունը հայտարարություն է տարածել՝ իր քաղաքացիներին կոչ անելով ցույցերի ընթացքում զերծ մնալ այդ վայրեր այցելելուց։

Աղբյուր` timeturk.com

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: