Իրավական16:51, 27 Սեպտեմբեր 2019
Քաֆթանջըօղլու․ «Թուրքիայում իրավունք չի մնացել․ անհնար է բարեփոխել այն, ինչ գոյություն չունի»
Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) Ստամբուլի նահանգային կառույցի ղեկավար Ջանան Քաֆթանջըօղլուն սոցցանցերում կատարած գրառումների պատճառով դատապարտվել է 9 տարի 8 ամիս 20 օր ազատազրկման։ Եթե դատավճիռը վավերացվի, ընդդիմադիր գործիչը կազատազրկվի։
Գերմանիա այցի ընթացքում «Deutsche Welle» պարբերականին տված հարցազրույցում Քաֆթանջըօղլուն նշել է, որ իր դեմ թուրքական դատարանի նշանակած պատժամիջոցը ոչ թե իրավական, այլ քաղաքական ենթատեքստ ունի։
«Սա քրեական գործ չէ, պատժիչ գործ է։ Հասարակությունն արդեն տեսնում է, որ այս որոշման պատճառները ոչ թե իրավական են, այլ քաղաքական», - նշել է Քաֆթանջըօղլուն։
Անդրադառնալով իշխող «Արդարություն և զարգացում» կուսակցության (ԱԶԿ-AKP) կողմից ներկայացված դատական բարեփոխումների նախագծին՝ Քաֆթանջըօղլուն ասել է․ «Ես այն մարդկանցից եմ, ովքեր համոզված են, որ Թուրքիայում օրենք և իրավունք չի մնացել, ուստի հնարավոր չէ բարեփոխել այն, ինչը գոյություն չունի»։
Խոսելով Թուրքիայում կին քաղաքական գործիչ լինելու դժվարությունների մասին՝ Քաֆթանջըօղլուն նկատել է տվել, որ Թուրքիայում պարզապես կին լինելն էլ շատ դժվար է։
Նշենք, որ ԺՀԿ-ի 96-ամյա պատմության մեջ Ջանան Քաֆթանջըօղլուն առաջին կին գործիչն է, ով ղեկավարել է կուսակցության Ստամբուլի նահանգային կառույցը։ Նա դատապարտվել է 7 տարի առաջ կատարած գրառումներում «Թուրքիա պետությունը հրապարակավ ստորացնելու», «Թուրքիայի պետական պաշտոնյային /Էրդողանին/ հրապարակավ վիրավորելու», «Հանրապետության նախագահին վիրավորելու», «Ժողովրդի մեջ հրապարակայնորեն ատելություն և թշնամանք հրահրելու», «Ահաբեկչական խմբավորման քարոզչություն կատարելու» մեղադրանքով։
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |