Հայերի կոտորածների մասին Իսրայելի վարչապետի գրառմանն արձագանքել են Թուրքիայի նախագահականից

Տարածաշրջան11:26, 25 Սեպտեմբեր 2019

Հայերի կոտորածների մասին Իսրայելի վարչապետի գրառմանն արձագանքել են Թուրքիայի նախագահականից

Թուրքիայի նախագահի աշխատակազմի հանրային կապերի բաժնի ղեկավար Ֆահրեթթին Ալթունը Twitter միկրոբլոգում արձագանքել է Իսրայելի վարչապետ Բենյամին Նեթանյահուի գրառմանը։

Հիշեցնենք, որ Նեթանյահուի գրառման մեջ ասվում էր.

«Իսրայելի մասին ստեր տարածողը, սեփական երկրում քրդերին կոտորողը և հայ ժողովրդի սոսկալի կոտորածը ժխտողը, չի կարող և չպետք է դասեր տա Իսրայելին։ Էրդողան, վերջ տուր ստերիդ»։

Ֆահրեթթին Ալթունը ի պատասխան գրել է.

«Բենյամին Նեթանյահուն մինչև կոկորդը խրված է անօրինականության հետ կապված մեղադրանքների մեջ և փորձում է նորից ներքին խնդիրներից շեղել հանրության ուշադրությունը։ Ավելի լավ չի՞ լինի, որ նա սեփական ժամանակը ծախսի դատական լսումների նախապատրաստման աշխատանքների համար, քան թե հարձակվի մի առաջնորդի վրա, ով իրականում կարողանում է հաղթել ընտրություններում»։

Աղբյուր` Ermenihaber

Այս ենթաբաժնի վերջին նորությունները

16:45, 03 հուլ

Իրաքը մերժում է իր երկրում քուրդ զինյալների դեմ Թուրքիայի գործողությունները

Ավելի վաղ Իրաքի ԱԳՆ էր կանչվել Բաղդադում Թուրքիայի դեսպանը, որին բողոքի նոտա է հանձնվել Թուրքիայի կողմից Իրաքի տարածքում «Վագրի ճիրան» ռազմական գործողությունը սկսելու կապակցությամբ։

14:12, 03 հուլ

Սիրիայում թուրքական օդուժը մեկ ամիս շարունակ ռմբակոծել է Աֆրինի և Շահբայի շրջանները

Սիրիայում «Աֆրինի ազատագրման ուժեր» քրդական խմբավորումը նշել է, որ թուրքական ուժերը առնվազն 14 անգամ Աֆրինի և Շեհբա շրջանների գյուղատնտեսական նշանակության տարածքներ են հրդեհել։