Հասարակական10:55, 25 Սեպտեմբեր 2019
Արամ Աթեշյան. «Կանոնադրությունը ողջունելի է, սակայն կան ցավալի կետեր»
Կրոնական ժողովի ատենապետ Տ. Արամ արքեպիսկոպոս Աթեշյանը Ստամբուլի «Ժամանակ» օրաթերթին տված հարցազրույցում անդրադարձել է Թուրքիայի ներքին գործերի նախարարության կողմից Կ. Պոլսի 85-րդ պատրիարքի ընտրության վերաբերյալ պատրիարքարան ուղարկված կանոնադրությանը:
Աթեշյանը ողջունել է պատրիարքարանին ուղարկված գրավոր կանոնագիրը, սակայն ընդգծել, որ որոշ ցավալի կետեր կան:
«Մեր համայնքը երկար ժամանակ սպասում է պատրիարքական ընտրության: Տասնամյակից ավելի է, որ դժբախտաբար թափուր է մեր դարավոր պատրիարքական աթոռը: Երանաշնորհ ու սիրեցյալ մեր պատրիարքին` լուսահոգի Մեսրոպ արքեպիսկոպոս Մութաֆյանի վախճանից հետո, բնականաբար, պատրիարքական ընտրության հեռանկարը եղավ անշրջելի: Մեր համայնքի ներսում բոլոր պատրաստությունները կատարվեցին և ուրախ առիթ է, որ տրամաբանական ժամկետի մեջ պետության կողմից մեզ հասավ կանոնադրությունը: Սա խնդրի ողջունելի և դրական կողմն է, սա համարվում է հավաքական ձեռքբերում»,-ասել է Աթեշյանը:
Կրոնական ժողովի ատենապետը, անդրադառնալով կանոնադրությունում առկա բացասական կետերին, նշել է, որ ընդհանուր տրամաբանությունը ներհակ չէ մեր ավանդույթներին, սակայն այսօրվա պայմաններում շատ ավելի լավ կլիներ, եթե սահմանափակումներ չլինեին արտասահմանաբնակ հոգևորականների թեկնածության համար:
Արամ Աթեշյանն այդ երևույթը բնութագրելիս, հայտնել է, որ այն հայ համայնքի մի քանի տխուր դեմքերի միջամտության, նեղ շրջանակների շահադիտական անտեղի միջամտությունների հետևանքն է:
«Նրանք, ովքեր չեն մտածում այս համայնքի երկարաժամկետ շահերի մասին, չեն կարող արդարանալ մեր ժողովրդի առջև և իրենց տխուր հաշիվները դատապարտված են ձախողման: Մեր համայնքը պետք է լավագույնս նժարի վրա դնի այժմ ստեղծված կացությունը: Հետամուտ պետք է լինենք, որպեսզի արդար ընտրություն կազմակերպվի»:
Նա անհրաժեշտ է համարել մի կողմ թողնել ներքին տարակարծությունները, ընդհանուր հայտարարի գալ և հեռու մնալ պետության գործոնը շահարկելուց ու ամբոխավարական ձգտումներով պետությանը հակադրվելու տխուր որոնումներից, ինչը կարող է տանել փակուղի:
Աթեշյանը համախմբման կոչ է արել հայ համայնքին, որպեսզի նոր պատրիարքից պահանջեն, որ հետամուտ լինի տասնամյակներ ի վեր կուտակված խնդիրների անհապաղ լուծման համար:
Այս ենթաբաժնի վերջին նորությունները
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:
Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Թուրքիայի գլխավորած պատվիրակությունը մասնակցելու է «Տնտեսական համագործակցության կազմակերպության» 17-րդ գագաթնաժողովին:
Ընդհանուր առմամբ Թուրքիայի ընտրողների 36.6%-ը իրեն քեմալիստ է համարում, 16․4%-ը՝ ազգայնական, 9․7%-ը՝ իսլամական:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |