Հասարակական16:57, 24 Սեպտեմբեր 2019
Թուրք ընդդիմադիր լրագրողը պատասխանել է Էրդողանի մեղադրանքին
Թուրքիայի նախագահ Ռեջեփ Թայիփ Էրդողանը մեղադրել էր թուրքական FOX TV հեռուստաալիքին ստահոդ լուրեր տարածելու մեջ: Էրդողանի մեղադրական խոսքերի պատճառը եղել է նշյալ հեռուստաալիքի լրագրողի հարցը, որից ակնհայտորեն բարկացել է Թուրքիայի նախագահին:
Լրագրողը Էրդողանից հետաքրքրվել էր, թե ճիշտ են արդյոք ընդդիմադիր «Ժողովրդահանրապետական» կուսակցության (CHP-ԺՀԿ) նախագահ Քեմալ Քըլըչդարօղլուի այն պնդումները, ըստ որոնց իշխանությունները վաճառել են տանկի թրթուրային համակարգեր արտադրող գործարանը:
Թուրքիայի նախագահը նախ թիրախավորել է ընդդիմության առաջնորդին՝ ասելով, որ «Քըլըչդարօղլուի ողջ կյանքը սուտ է», ապա մեղադրել էր հեռուստաընկերությանը. «FOX TV-ն թող դադարի սուտ լրատվամիջոց լինելուց: Մի անգամ գոնե ճշմարիտ եղեք»:
Էրդողանի այս մեղադրանքներին անդրադարձել է հեռուստաալիքի լուրերի հաղորդավար Ֆաթիհ Փորթաքալը, ով Թուրքիայում հայտնի է իր ընդդիմադիր կեցվածքով ու Էրդողանի հասցեին հնչեցրած քննադատություններով:
«Մենք իշխանություններին անհանգստացնող լուրեր ենք հեռարձակում, որովհետև ճիշտ լուրեր ենք տալիս»,- ասել է Փորթաքալը, ապա՝ հավելել, որ իրենք լրագրող են ու իրենց գործը հարցեր տալն է:
«Շարունակելու ենք հարցեր տալ: Պարոն նախագահն ասել է, թե սուտ լուրեր ենք տարածում: Ո՛չ, մեզ ոչ ոք չի կարող այդպիսի բան ասել: Սուտ լուրեր չենք տարածում»:
Այս ենթաբաժնի վերջին նորությունները
Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։
Նրան X-ում հետևում է շուրջ 10 մլն մարդ։
Թուրքիայի վիճակագրական ինստիտուտը տվյալներ է հրապարակել 2024-ին երկրում տեղի ունեցած ճանապարհատրանսպորտային պատահարների մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |