Իրավական11:24, 23 Սեպտեմբեր 2019
Էրդողանին վիրավորելու մեղադրանքով Վանի բնակիչը դատապարտվել է 12 տարվա բանտարկության
Վանի բնակիչ Բուրհան Բորաքը դատապարտվել է 12 տարի 3 ամիս ազատազրկման՝ սոցցանցերում նախագահ Ռեջեփ Թայիփ Էրդողանին վիրավորելու համար։
Քաղաքացին դատարանի առաջ է կանգնել 2014թ․ հրապարակած 7 գրառման պատճառով՝ դրանցից յուրաքանչյուրի համար դատապարտվելով 1 տարի 8 ամիս ազատազրկման։ Դատարանը հրաժարվել է պայմանականորեն հետաձգել վճռի իրականացումը։
Ինքը՝ Բորաքը, համոզված է, որ իր բոլոր հրապարակումները տեղավորվում են խոսքի ազատության շրջանակներում։
«Հարց եմ տալիս այդպիսի վճիռ կայացրած դատավորներին ու դատախազներին․ ձեր խիղճը հանգի՞ստ է, թե՞ այդ որոշումը ճնշումների արդյունքում եք կայացրել։ Մի երկրում, որտեղ դատական համակարգը անկախ չէ, նման պատիժներն անակնկալ չեն», - ասել է նա՝ հավելելով, որ պատրաստվում է բողոքարկել դատարանի որոշումը։
Իսկ Բորաքի փաստաբան Ջիհաթ Դուրմազի բնութագրմամբ՝ դատարանի սահմանած պատժաչափը ռեկորդային է, քանի որ նմանատիպ դեպքերում ավելի վաղ տրված առավելագույն պատիժը եղել է 2 տարվա ազատազրկումը։
Ուշագրավ է, որ ազատազրկման վճռի պատճառ հանդիսացած գրառումներից մեկն էլ վերաբերում է նախկին վարչապետ Ահմեթ Դավութօղլուին։
«Նա թեև զբաղեցնում է վարչապետի աթոռը, բայց իրականում Ռեջեփ Թայիփ Էրդողանի կողմից որպես խամաճիկ է այնտեղ դրվել»,- գրել էր Բորաքը Դավութօղլուի մասին։ Թուրքական դատարանը վճռել է, որ այս գրառումը ևս Էրդողանին ուղղված վիրավորանքն է պարունակում։
Այս ենթաբաժնի վերջին նորությունները
Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայում ազատազրկված անձանց թիվը ներկա դրությամբ հասնում է 362.000-ի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բացի Թուրքիայից զորավարժությանը մասնակցում են Պակիստանը, Կատարը, Ղազախստանը և Ուզբեկստանը։
Էրդողանը 2020-ին Թուրքիայի խորհրդարանի ամբիոնից Երուսաղեմը ներկայացրել էր որպես «մեր քաղաք»՝ նշելով դրա օսմանյան ժառանգության մասին։
Փողոցի լայնությունն ընդամենը 60–70 սանտիմետր է, և փողոցով կարող է անցնել միայն 1 մարդ։
Աղքատության բարձր մակարդակ է գրանցվել Հայաստանին սահմանակից Աղրը, Կարս, Իգդիր և Արդահան քաղաքներում։
Օմեր Բոլաթ. «Մենք 17 մլրդ դոլարի ներդրումներով Ադրբեջանում 1-ին տեղում ենք, իսկ Թուրքիայում կա ադրբեջանական մոտ 3000 ընկերություն»
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |