Իրավական13:12, 23 Սեպտեմբեր 2019
Էրդողան. «Գյուլենի արտահանձնման ուղղությամբ ԱՄՆ-ի հետ շարունակում ենք ակտիվ բանակցել»
Թուրքիայի նախագահ Ռեջեփ Թայիփ Էրդողանը հայտարարել է, որ շարունակում են ԱՄՆ-ի հետ ակտիվ բանակցել Թուրքիայում 2016 թվականի հեղաշրջման փորձի մեջ կասկածվող Ֆեթուլլահ Գյուլենի արտահանձնման ուղղությամբ:
ՄԱԿ-ի 74-րդ նստաշրջանին մասնակցելու նպատակով ԱՄՆ մեկնած Էրդողանն այս մասին հայտարարել է ԱՄՆ-ում թուրք ուսանողների կարիքները հոգալու նպատակով հիմնադրված «TÜRKEN» (ԹՅՈՒՐՔԵՆ) հիմնադրամի ավանդական ճաշի ժամանակ:
«Հուլիսի 15-ի գիշերը (Թուրքիայում 2016-ին տեղի ունեցած հեղաշրջման փորձի ամսաթիվ-խմբ.) 251 համաքաղաքացիների սպանած ու 2193 մարդու վիրավորած այդ կազմակերպության արմատներն ամբողջ աշխարհում կտրելու հարցում վճռական ենք: Փենսիլվանիայի շառլատանը (նկատի ունի Գյուլենին, ով բնակվում է ԱՄՆ-ի Փենսիլվանիա նահանգում-խմբ.) ու մնացած բոլոր մարդասպանները և պատվիրատուները պետք է հատ-հատ պատասխան տան դատարանի առաջ իրենց կատարած հանցագործությունների համար: Կազմակերպության ղեկավարին ու մյուս ահաբեկիչներին Թուրքիային հանձնելու համար մեր արդարադատության ու արտաքին գործերի նախարարություններն ԱՄն-ում շարունակում են ակտիվ բանակցությունները»,- ասել է Թուրքիայի նախագահը:
Հիշեցնենք, որ 2016-ի հուլիսի 15-ի ուշ երեկոյան Թուրքիայում ռազմական ճանապարհով պետական հեղաշրջման փորձ էր կատարվել, որը, սակայն, հուլիսի 16-ի դրությամբ արդեն լիովին ճնշվել էր: Օդուժի կիրառմամբ իրագործված հեղաշրջման փորձի հետևանքով, ըստ պաշտոնական տվյալների, եղել էր 258 զոհ և 2.196 վիրավոր: Թուրքիայի իշխանությունները հեղաշրջման փորձի մեջ մեղադրում են գյուլենական համայնքի առաջնորդ, իսլամի քարոզիչ ամերիկաբնակ միլիարդատեր Ֆեթուլլահ Գյուլենը, ով շատ կողմնակիցներ ուներ պետական կառավարման տարբեր ոլորտներում:
Այս ենթաբաժնի վերջին նորությունները
Թուրքիայի բազմաթիվ քաղաքացիներ սոցցանցերում Սիրիայի հյուսիում սկսված ռազմագործողությունը դատապարտող գրառումներ են կատարել, ինչի հետևանքով նրանց նկատմամբ հետաքննություն է սկսվել:
Հրապարակած լուսանկարի և գրառման համար Նատալի Ավազյանին բերման են ենթարկել ոստիկանական բաժանմունք:
Գրառման մեջ Քըյաթը Էրդողանի համար նույն «վերջն» է կանխատեսել, ինչը որ եղավ Թուրքիայի նախկին նախագահ Քենան Էվրենի դեպքում՝ ցմահ բանտարկության դատավճիռ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, բայց իմ ձեռքում դրանք չպետք է լինեն. ես դա չեմ ընդունում
ամենաշատ ընթերցված
Թուրքիայի զինված ուժերն արդեն 6-րդ օրն է ռազմական օպերացիա են իրականացնում Սիրիայի հյուսիս-արևելքում:
Ըստ սիրիական պետական հեռուստատեսության՝ քրդերի վերահսկողության տակ գտնվող Մանբիչը և Քոբանին հանձնվելու են Սիրիայի կառավարական ուժերին։
Խմբավորման հրամանատարներից Յուսուֆ Աբբուդը հայտարարել է. թե իբր իրենք տարբերություն չեն դնում հայի, քրիստոնյայի, արաբի, թուրքմենի ու քրդի միջև:
Ավելի վաղ հայտնի էր դարձել, որ Սիրիայի ազատ բանակը շարժվում է դեպի երկրի հյուսիս, որպեսզի կանխի Թուրքիայի զինված ուժերի առաջխաղացումը:
Զինվորական ողջույնն արվել է ի աջակցություն Սիրիայի տարածքում թուրքերի կողմից իրականացվող ռազմական գործողություններին:
Օրացույց
Հարցումներ
Ո՞վ կլինի Թուրքիայի հաջորդ նախագահը
արտարժույթ
| EUR | TRY | USD |
| 549.84 | 90.05 | 485.12 |