2018-ին Թուրքիայում սպանված 440 կանանց խորհրդանշող 440 զույգ կոշիկ է ամրացվել շենքի պատին

Հասարակական13:26, 19 Սեպտեմբեր 2019

2018-ին Թուրքիայում սպանված 440 կանանց խորհրդանշող 440 զույգ կոշիկ է ամրացվել շենքի պատին

Ստամբուլի Քաբաթաշ թաղամասի շենքերից մեկի արտաքին պատից 440 զույգ կոշիկ է ամրացվել:

Գրաֆիկական դիզայներ, երաժիշտ Վահիթ Թունայի այս նախագիծը միտված է ուշադրություն հրավիրել Թուրքիայում տղամարդկանց կողմից կատարվող կանանց սպանությունների վրա:

440 թիվն էլ համապատասխանում է 2018 թվականին Թուրքիայում տղամարդկանց կողմից սպանված կանանց թվին: Ոչ սովորական այս նախաձեռնությունը գրավում է Մեջլիսի Մեբուսան անունով բավական բանուկ փողոցի անցորդների ուշադրությունը, ովքեր դրական են արտահայտվում նախաձեռնության վերաբերյալ:

Վահիթ Թունան նշել է, որ այս կերպ ցանկանում է հասնել մարդկանց ենթագիտակցությանը, ինչ համար էլ օգտագործել է կանանց խորհրդանշող ամենահասարակ պարագաներից մեկը՝ բարձրակրունկ կոշիկը: Նշվում է, որ 260քմ մակերեսով ցուցադրությունը բաց է լինելու մինչև 2020-ի մարտի 20-ը:

Աղբյուր` Milliyet

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։