Իրավական16:44, 18 Սեպտեմբեր 2019
Թուրքիայում քուրդ քաղաքապետի ձերբակալությունից հետո իշխանությունները հոգաբարձու են նշանակել
Թուրքական իշխանությունների կողմից արևելյան նահանգներում «Ժողովուրդների դեմոկրատական» կուսակցությունից (HDP-ԺԴԿ) ընտրված քաղաքապետների փոխարեն պետական կառավարիչների նշանակումը շղթայական բնույթ է ստացել:
Թուրքիայի հարավարևելյան Դիարբեքիրի նահանգի Քուլփի շրջանի քրդամետ HDP-ից ընտրված քաղաքապետի` Մեհմեթ Ֆաթիհ Թաշի ձերբակալությունից հետո նրա փոխարեն իշխանությունները ժամանակավոր պաշտոնակատար էին նշանակել Մուսթաֆա Գյոզլեթին:
Էրզրումի նահանգապետարանի հայտնած տեղեկության համաձայն` նախօրեին Էրզրումի Քարայազը շրջանի HDP-ից ընտրված քաղաքապետ Մելիքե Գյոքսունի ձերբակալությունից կարճ ժամանակ անց՝ այսօր պետական կառավարիչ (հոգաբարձու) է նշանակվել Մեսութ Թաբաքջըօղլուն:
Նշենք, որ քաղաքապետի հետ միասին ձերբակալվել էին ևս 5 անձինք, որոնցից 2-ը քաղաքային խորհրդի (ավագանու-խմբ.) անդամներ են:
Հաղորդվում է, որ որոշ ժամանակ առաջ Էրզրումի ծանր հանցագործությունների 2-րդ դատարանում տեղի ունեցող գործերից մեկի շրջանակներում «ահաբեկչական կազմակերպության անդամ լինելու» մեղադրանքով Գյոքսուի և մյուսների վերաբերյալ 7 տարի 6 ամիս ազատազրկման որոշում էր կայացվել, ինչը սակայն բողոքարկվել էր: Բողոքը քննող բարձրագույն դատարանը օրերս անփոփոխ էր թողել նախորդ դատարանի որոշումը, ինչի հետևանքով քաղաքապետը, ավագանու 2 անդամներն ու ևս 3 հոգի ձերբակալվել են:
Հիշեցնենք, որ օգոստոսի 19-ին Թուրքիայի ներքին գործերի նախարարության որոշմամբ Վանի, Դիարբեքիրի և Մարդինի քաղաքապետները պաշտոններից հեռացվել, նրանց փոխարեն որպես հոգաբարձու նշանակվել էին համապատասխան նահանգների նահանգապետները:
Այս ենթաբաժնի վերջին նորությունները
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Եվրոպայի բռնության և վատ վերաբերմունքի կանխարգելման կոմիտեն ապրիլի 7-ից 11-ը եղել է Թուրքիայում:
Թուրքական դատարանը բարոյական վնասի փոխհատուցման այդպիսի որոշում է կայացրել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ermenihaber.am-ը զրուցել է Արցախի անկման մասին պատմող «Վիրավոր արծիվը» վավերագրության հեղինակ Դեմիր Սյոնմեզի հետ։
Երկրում գործազրկության թվերը վերադարձել են COVID-19-ի ճգնաժամի ժամանակաշրջանի մակարդակին։
Էրդողանի և Իտալիայի վարչապետի նախագահությամբ գումարված գագաթնաժողովից հետո ստորագրվել է 11 պայմանագիր:
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |