Թուրքիայի բնակչության աղքատ և հարուստ խավերի միջև նյութական անհավասարությունը խորանում է

Տնտեսական17:30, 18 Սեպտեմբեր 2019

Թուրքիայի բնակչության աղքատ և հարուստ խավերի միջև նյութական անհավասարությունը խորանում է

Թուրքիայում տարբեր սոցիալական խմբերի միջև եկամուտների անհավասարությունը մեծանում է։ Թուրքիայի վիճակագրական ընկերության (TÜİK) տվյալների համաձայն՝ 2018թ․ դրությամբ երկրի բնակչության 70․4 տոկոսը պարտքեր ունի։

Բնակչության՝ ամենաբարձր եկամուտներ ունեցող 20 տոկոսի եկամուտները վերջին մեկ տարում ավելացել են 0․2 տոկոսով՝ կազմելով ընդհանուր եկամուտների 47․6 տոկոսը։

Իսկ ամենացածր եկամուտ ստացող 20 տոկոս բնակչությանը բաժին է ընկնում երկրի բնակչության ընդհանուր եկամտի 6․1 տոկոսը։ Վերջին մեկ տարվա ընթացքում այդ ցուցանիշը նվազել է 0․2 տոկոսով։

Վիճակագրության համաձայն՝ Թուրքիայում հարաբերական աղքատության մակարդակը վերջին մեկ տարում աճել է 0․4 միավորով՝ հասնելով 13․9 տոկոսի։ Նշենք, որ հարաբերական աղքատություն ասելով նկատի է առնվում նվազագույն կենսապայմաններ ունեցողների և առավել ապահովվածների կենսապայմանների տարբերությունը։

Արձանագրվել է նաև, որ վերջին 4 տարվա ընթացքում «շարունակական աղքատության» մակարդակը որոշակիորեն նվազել է։ 2017թ․ այդ ցուցանիշը կազմում էր 14 տոկոս, 2018թ․՝ 12․7 տոկոս։

Իսկ նյութական աղքատության մակարդակը, որը որոշվում է կենցաղային տեխնիկա, մսամթերքով հարուստ սնունդ ապահովելու, անսպասելի ծախսեր և ուղևորություններ կատարելու ֆինանսական հնարավորությամբ, 2018թ․ դրությամբ կազմել է 26․5 տոկոս։

Աղբյուր` dw.com.tr

Այս ենթաբաժնի վերջին նորությունները

12:42, 25 օգոս

Թուրքիան հակամդեմպինգային միջոցներ է կիրառում Չինաստանից և ԵՄ-ից ներմուծվող ապրանքների դեմ

Հետաքննությունից հետո պարզվել է, որ ԵՄ-ից ներմուծումներն օգտագործվել են Չինաստանից ներմուծվող նմանատիպ արտադրանքի դեմ կիրառվող միջոցները շրջանցելու համար։

14:54, 22 օգոս

Թուրքիայի տրանսպորտի նախարարը նորից խոսել է «Զանգեզուրի միջանցքից»

Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։

17:40, 21 օգոս

Սիրիան արգելել է թուրքական արտադրության 20 սննդատեսակի ներմուծումը

Դամասկոսի առևտրային կցորդի գրասենյակը պաշտոնապես նախազգուշացրել է թուրքական ընկերություններին՝ կոչ անելով հաշվի առնել նոր կանոնները և վերանայել իրենց առևտրային պլանները։