Փաստաբան․ «Սելահաթթին Դեմիրթաշին ազատ արձակելու համար բոլոր իրավական հիմքերը կան»

Իրավական15:27, 13 Սեպտեմբեր 2019

Փաստաբան․ «Սելահաթթին Դեմիրթաշին ազատ արձակելու համար բոլոր իրավական հիմքերը կան»

Թուրքիայի քրդամետ ընդդիմադիր «Ժողովուրդների դեմոկրատական» կուսակցության (ԺԴԿ-HDP) նախկին համանախագահ Սելահաթթին Դեմիրթաշը շուտով կարող է ազատության մեջ հայտնվել։ Դեմիրթաշի փաստաբաններից մեկի՝ Այդըն Էրդողանի խոսքով՝ ներկա պահին դրա համար կան բոլոր իրավական հիմքերը, անհրաժեշտ է միայն որոշ թղթաբանական հարցեր ավարտել։

ԺԴԿ նախկին համանախագահը այժմ գտնվում է Էդիրնեի բանտում։ Տարիներ առաջ մի հանրահավաքի ժամանակ իր ելույթում «ահաբեկչության պրոպագանդա» կատարելու մեջ մեղադրվող Դեմիրթաշը Ստամբուլի ծանր հանցագործությունների դատարանի որոշմամբ դատապարտվել էր 4 տարի 8 ամիս ազատազրկման և 2016թ․ նոյեմբերի 4-ից գտնվում է Էդիրնեի բանտում։ Փաստաբան Այդըն Էրդողանի պնդմամբ՝ Թուրքիայի այսօրվա օրենքների համաձայն նախկին պատգամավորն արդեն կրել է այդ պատիժը և պետք է ազատ արձակվի։

Հիշեցնենք, որ օրեր առաջ Անկարայի ծանր հանցագործությունների դատարանը Դեմիրթաշի դեմ ընթացող մեկ այլ գործի շրջանակներում վերջինիս կալանքից պայմանականորեն ազատելու որոշում էր կայացրել։ Բայց Ստամբուլի դատարանի կայացրած ազատազրկման վճռի պատճառով նա չէր կարող անմիջապես դուրս գալ բանտից։

Աղբյուր` Cumhuriyet

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։