Միջազգային12:59, 12 Սեպտեմբեր 2019
ԱՄՆ-ի առևտրի նախարարն անդրադարձել է Թուրքիայի դեմ պատժամիջոցների կիրառման հարցին
ԱՄՆ առևտրի նախարար Վիլբուր Ռոսն անդրադարձել է ռուսական S-400 ՀՕՊ համակարգեր գնելու պատճառով Թուրքիայի դեմ պատժամիջոցներ կիրառելու մասին ԱՄՆ ֆինանսների նախարար Սթիվեն Մնուչինի հայտարարությանը։
Նշենք, որ նախօրեին մամուլի ասուլիսի ժամանակ Մնուչինը հայտարարել էր, որ ԱՄՆ-ն քննարկում է Անկարայի դեմ պատժամիջոց կիրառելու հարցը, սակայն դեռևս վերջնական որոշման մասին խոսել չի կարող։
«Ֆինանսների նախարար Մնուչինի հայտարարության մեջ որևէ նոր բան չկա։ Ինչպիսին էլ որ լինի քննարկումների արդյունքը, այն պետք է համապատասխանի ՆԱՏՕ-ի պահանջներին ու կանոններին, քանի որ թե ԱՄՆ-ն, թե Թուրքիան ՆԱՏՕ-ի անդամներ են»,-նշել է Ռոսը։
Առևտրի նախարարը նաև հիշեցրել է, որ Թուրքիան բավական ժամանակ պողպատի համար 50 տոկոս մաքսային տուրք է վճարել, այն դեպքում, երբ ողջ աշխարհում այդ տուրքի չափը կազմում է 25 տոկոս։ Ռոսի խոսքով՝ դա ևս S-400 –ների հետ կապված պատժամիջոց է Անկարայի նկատմամբ։
Միևնույն ժամանակ, ըստ նախարարի, 1000-ից ավելի թուրքական ընկերություններ հայտ են ներկայացրել այս ոլորտում մաքսատուրքերից ազատվելու համար, և ԱՄՆ-ն բավարարել է այդ հայտերը։ Դրանք հիմնականում այն ընկերություններն են, որոնք ներկրում են ԱՄՆ-ում չարտադրվող, կամ ամերիկյան շուկային բավարարող որակ ու հատկություններ ունեցող ապրանքներ։ Նման արտոնություն ստացած ընկերությունները կազմում են ոլորտում գործող թուրքական ընկերությունների շուրջ 40 տոկոսը։
Հիշեցնենք, որ ռուսական S-400 հակաօդային պաշտպանության համակարգերի ձեռքբերման թուրքական ծրագիրը թուրք–ամերիկյան դիվանագիտական հարաբերություններում լուրջ լարվածություն էր առաջացրել։ Իսկ երբ Թուրքիան, անտեսելով ԱՄՆ–ի բոլոր նախազգուշացումները, գնեց այդ համակարգերը, ԱՄՆ-ը Թուրքիային դուրս թողեց F-35 նոր սերնդի կործանիչների արտադրության համատեղ ծրագրից։
Այս ենթաբաժնի վերջին նորությունները
Թուրքիայի նախագահը նաև քննադատել է Արևմուտքին Իրանի քայլերը դատապարտելու համար:
Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Էնթոնի Բլինքենի հետ։
Հանդիպման ընթացքում կքննարկվեն երկկողմ հարաբերությունները, ռուս-ուկրաինական, արաբա-իսրայելական պատերազմները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի նախագահը Իրաքից վերադառնալիս անդրադարձել է հայ-թուրքական հարաբերություններին և այդ համատեքստում խոսել է Հայոց ցեղասպանության մասին։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |