Հայաստանում գրանցված երկրաշարժի ցնցումները զգացվել են նաև Կարսում

Տարածաշրջան17:18, 11 Սեպտեմբեր 2019

Հայաստանում գրանցված երկրաշարժի ցնցումները զգացվել են նաև Կարսում

Սեպտեմբերի 10-ին, տեղական ժամանակով ժամը 20:22-ին (Գրինվիչի ժամանակով ժամը 16:22-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.080 և արևելյան երկայնության 43.940 աշխարհագրական կոորդինատներով (Հայաստան-Վրաստան սահմանային գոտի՝ Բավրա գյուղից 13 կմ հյուսիս-արևելք), օջախի 10 կմ խորությամբ, 4.8 մագնիտուդով երկրաշարժ:

Էպիկենտրոնային գոտում ստորգետնյա ցնցման ուժգնությունը կազմել է 6-7 բալ:

Ըստ տվյալների՝ երկրաշարժը զգացվել է ՀՀ Շիրակի, Լոռու, Տավուշի, Արագածոտնի, Արմավիրի մարզերում և Երևան քաղաքում:

Թուրքական աղբյուրների փոխանցմամբ` երկրաշարժը զգացվել է նաև Կարսում:

Նախօրեին տեղի ունեցած երկրաշարժի վերաբերյալ Կարսի նահանգապետ Թյուրքեր Օքսյուզը լրագրողների հետ զրույցում նշել է, որ այն ավելի շատ զգացվել է Կարսի նահանգի կենտրոնում և երկու գյուղում` Սյունգյուդերեում և Քայադյովենում: Ըստ նահանգապետի ցնցումները վերոհիշյալ շրջաններում եղել են 3.8 և 3.1 մագնիտուդ ուժով:

Կարսի նահանգապետի հավաստմամբ` երկրաշարժի հետևանքով վնասներ և կորուստներ չեն արձանագրվել:

Աղբյուր` Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: